၇.၂.၂၀၂၅ ရက်နေ့ နံနက်(၁၁:၁၅)အချိန်တွင် စားသုံးသူရေးရာဦး စီးဌာန၊ မြောက်ပိုင်း ခရိုင်ဦး စီးမှူးရုံးမှ ဒေါ်နီလာဝင်း၊ ဦး စီးမှူးပါ (၄)ဦး တို့သည် အင်းစိန်မြို့နယ်၊ အခြေခံပညာ မူလတန်းကျောင်းသို့ သွားရောက်၍ ကျောင်းသား/ကျောင်းသူများအား စားသုံးသူကာကွယ်ရေး အသိပညာပေးဟောပြောဆွေးနွေးပွဲ ကျင်းပခဲ့ပါသည်။
အဆိုပါ အသိပညာပေးဟောပြောပွဲတွင် ကျောင်းအုပ်ဆရာမကြီး ဒေါ်လွင်လွင်မော်မှ ကြိုဆိုနှုတ်ခွန်းဆက်စကားပြောကြားခဲ့ပြီးနောက် ကမ္ဘာ့စားသုံးသူအခွင့်အရေးများနေ့ ဖြစ်ပေါ်လာပုံ၊ စားသုံး သူကာကွယ်ရေးဥပဒေကို ၂၀၁၉ ခုနှစ်၊ မတ်လ (၁၅)ရက်နေ့၌ ပြဌာန်းခဲ့ပြီး အခန်း(၂၅)ခန်း ပုဒ်မ(၈၄) ခု ပါဝင်ကြောင်း၊ စားသုံးသူ၏အဓိပ္ပါယ်ဖွင့်ဆိုချက်၊ ဥပဒေအခန်း(၁၈)ပါ ကုန်အညွှန်းအမှတ်အသား ဖော်ပြခြင်းနှင့်စပ်လျဉ်း၍ ပြည့်စုံစွာထည့်သွင်း ဖော်ပြ၍ ထုတ်ယူဖြန့်ဖြူးရောင်းချသည့်ကုန်ပစ္စည်းများကိုသာ ဝယ်ယူစားသောက် အသုံးပြုတတ်ရန်၊ စားသုံးသူအခွင့်အရေး(၈)ချက်၊ စားသုံးသူများ လိုက်နာဆောင်ရွက်ရမည့် တာဝန်(၄)ချက်၊ စားသုံးသူနစ်နာဆုံးရှုံးမှုရှိလျှင် တိုင်ကြားနိုင်ပါကြောင်း၊ တိုင်ကြားနိုင်သည့် နေရာများဖြစ်သည့် DOCA Mobile App ဖြင့်လည်းကောင်း၊ မိမိတို့ဌာန ခရိုင်ဦး စီးမှူးရုံး၊ စားသုံးသူသတင်းပြန်ကြားရေးနှင့် တိုင်ကြားမှုလက်ခံဆောင်ရွက်ရေး စင်တာ(CICC) တွင်လည်းကောင်း၊ Consumer Call Center 1535 တွင် ဖုန်းခေါ်ဆို၍ အထောက်အထားပြည့်စုံစွာဖြင့် တိုင်ကြားနိုင်ပါကြောင်းနှင့်သိလိုသည်များကို စုံစမ်းမေးမြန်းနိုင် ပါကြောင်း အကျယ်တဝင့်ရှင်းလင်း ပြောကြားခဲ့ပြီး ဆရာ/ဆရာမ (၅)ဦး ၊ ကျောင်းသား/ ကျောင်းသူ (၅၀)ဦး စုစုပေါင်း(၅၅)ဦး တက်ရောက်ခဲ့ကြောင်း သိရှိရပါသည်။
DOCA(ရန်ကုန်)