ဗီယက်နမ်နိုင်ငံ Ha Nam ပြည်နယ် ပြည်သူ့ကော်မတီသည် အဓိကစက်မှုစီမံကိန်းနှစ်ခု အတွက် ရင်းနှီးမြှုပ်နှံမှု ခွင့်ပြုလက်မှတ်များကို ဖေဖော်ဝါရီလ ၁၃ ရက်နေ့က ခွင့်ပြုပေးခဲ့ပြီး ပြည်နယ်၏ စီးပွားရေးဖွံ့ဖြိုးတိုးတက်ရေးအတွက် ရှေ့သို့ခြေလှမ်းတစ်ရပ်လှမ်းနိုင်ခဲ့ကြောင်း သိရ ပါသည်။ ထိုစီမံကိန်းများသည် Red Board Technology ကုမ္ပဏီလီမိတက်၏ high-precision circuit board (PCB) ထုတ်လုပ်သည့်စက်ရုံနှင့် Casla Kitchenware JSC ၏ မီးဖိုချောင်သုံး ပစ္စည်းနှင့် ဆက်စပ်သည့်သတ္တုထုတ်ကုန်များ ထုတ်လုပ်သည့်စက်ရုံ တို့ဖြစ်ကြောင်း သိရပါသည်။ ရင်းနှီးမြှုပ်နှံမှုတန်ဖိုး အမေရိကန်ဒေါ်လာ သန်း ၁၁၀ ရှိသည့် PCB ထုတ်လုပ်သည့် စက်ရုံကို Kim Bang 1 စက်မှုဇုန်တွင် တည်ဆောက်မည်ဖြစ်ပြီး အကျယ်အဝန်း ၉၈၈၅၀ စတုရန်းမီတာရှိမည်ဟု သိရပါသည်။ ထိုစက်ရုံသည် ၂၀၂၇ ခုနှစ် ဖေဖော်ဝါရီလတွင် စတည်လည်ပတ်ရန် မျှော်မှန်းရ ကြောင်း သိရပါသည်။ တစ်ချိန်တည်းမှာပင် အမေရိကန်ဒေါ်လာ ၄၉ သန်းကုန်ကျမည့် မီးဖိုချောင် သုံးပစ္စည်းနှင့် ဆက်စပ်သတ္တုထုတ်ကုန်များ ထုတ်လုပ်သည့်စက်ရုံကို Thai Ha စက်မှုဇုန်တွင် တည်ဆောက်မည်ဟု သိရပါသည်။ စီမံကိန်းကို အဆင့်နှစ်ဆင့်နှင့် စတင်မည်ဖြစ်ပြီး ပထမအဆင့် တွင် တစ်နှစ်ကို ဓားအမျိုးအစာအစုံ ၈၃.၇ သန်းထုတ်လုပ်ရန်နှင့် ဒုတိယအဆင့်တွင် ချက်ပြုတ် သည့်ဒယ်အိုးများ၊ ပန်းကန်ခွက်ယောက်များကို နှစ်စဉ် အစုံ ၂၄၀၀၀၀ ထုတ်လုပ်ရန်ဖြစ်ကြောင်း သိရပါသည်။ ပြည်နယ်ပြည်သူ့ကော်မတီ၏ ဥက္ကဌဖြစ်သူ Truong Quoc Huy က ထိုစီမံကိန်းများ ၏ ဗျူဟာမြောက်အရေးပါမှုနှင့် စတင်လည်ပတ်ပါက ၎င်းတို့သည် ပြည်တွင်းစီးပွားရေးဖွံ့ဖြိုး တိုးတက်မှုတွင် သိသာစွာပူးပေါင်းပါဝင်နိုင်မည်ဟု ပြောကြားခဲ့ပါသည်။ ထို့ပြင် Huy က စီမံကိန်း များအကောင်အထည်ဖော်ရာတွင် လွယ်ကူချောမွေ့စေရေးအတွက် ရင်းနှီးမြှုပ်နှံသူများကို ဆက်လက်ပံ့ပိုးသွားမည်ဖြစ်ကြောင်း ကတိပြုပြောကြားခဲ့ပါသည်။
DOCA(ရန်ကုန်)