ဗီယက်နမ်ရာဘာအသင်း (VRA) က ၂၀၂၅ ခုနှစ်တွင် နိုင်ငံ၏ရာဘာတင်ပို့မှုသည် ၂၀၂၄ ခုနှစ်ကထက် ၁၀ ရာခိုင်နှုန်းကြီးထွားပြီး ဝင်ငွေ အမေရိကန်ဒေါ်လာ ၁၁ ဘီလီယံ ရရှိရန်ခန့်မှန်း ကြောင်း ဖေဖော်ဝါရီလ ၁၉ ရက်နေ့က ထုတ်ပြန်ခဲ့ပါသည်။ ကမ္ဘာ့ဈေးကွက်တွင် ရာဘာဈေးနှုန်း များမှာ သိသာစွာမြင့်တက်နေခြင်းက ရာဘာကုမ္ပဏီများအား ဝင်ငွေနှင့် အကျိုးအမြတ်ရရှိမှု ကြီးထွားရေးတွင် ကူညီပေးနိုင်မည်ဟု သိရပါသည်။ ဇန်နဝါရီလတွင် ဗီယက်နမ်သည် အမေရိကန် ဒေါ်လာ ၃၄၁ သန်းတန်ဖိုးရှိသော ရာဘာတန်ချိန် ၁၈၀၀၀၀ တင်ပို့ခဲ့ပြီး ၂၀၂၄ ခုနှစ် ဇန်နဝါရီလ နှင့်နှိုင်းယှဉ်ပါက ပမာဏတွင် ၁၄.၅ ရာခိုင်နှုန်းကျဆင်းခဲ့သော်လည်း တန်ဖိုးတွင် ၁၄.၆ ရာခိုင်နှုန်း မြင့်တက်ခဲ့ကြောင်း သိရပါသည်။ ဇန်နဝါရီလတွင် ပျမ်းမျှတင်ပို့သည့်ဈေးနှုန်းမှာ ခန့်မှန်း တစ်တန် လျှင် ၁၈၉၂ အမေရိကန်ဒေါ်လာ ရှိပြီး ၂၀၂၄ ခုနှစ် ဇန်နဝါရီလထက် ၃၄ ရာခိုင်နှုန်းမြင့်တက် ခဲ့ကြောင်း သိရပါသည်။ ဗီယက်နမ်အကောက်ခွန်ဌာန၏ ထုတ်ပြန်ချက်အရ ၂၀၂၄ ခုနှစ်တွင် နိုင်ငံသည် အမေရိကန်ဒေါ်လာ ၃.၄၂ ဘီလီယံတန်ဖိုးရှိသော ရာဘာတန်ချိန် ၂ သန်းကို ပြည်ပသို့ တင်ပို့ခဲ့ကြောင်း သိရပါသည်။
DOCA(ရန်ကုန်)