မြန်မာနိုင်ငံသည် အကောက်ခွန်ကင်းလွတ်ခွင့်ဖြင့် ထိုင်းနိုင်ငံသို့ ပြောင်းတင်ပို့မှု စတင်နေပြီဟု ပြောင်းကုန်သည်များ၏ပြောကြားချက်အရသိရပါတယ်။ ထိုင်းနိုင်ငံသည် ဖေဖော်ဝါရီ ၁ ရက်မှ သြဂုတ် ၃၁ ရက်အထိ အကောက်ခွန်မဲ့ အကောက်ခွန်မဲ့ (Form D) ဖြင့် ပြောင်းတင်သွင်းမှုအတွက် ခွင့်ပြုထားပါတယ်။ သို့သော် ထိုင်းနိုင်ငံ၏ ပြောင်းရာသီတွင် ပြောင်းတင်သွင်းပါက စိုက်ပျိုးသူများ၏ အခွင့်အရေးကို ကာကွယ်ရန်အတွက် ပြောင်းတင်သွင်းမှုအပေါ် အမြင့်ဆုံး အခွန်နှုန်းထား ၇၃ ရာခိုင်နှုန်း ချမှတ်ထားပါတယ်။ ထို့ကြောင့် ပြောင်းကုန်သည်များက အကောက်ခွန်ကင်းလွတ်ခွင့်ဖြင့် တင်ပို့ရန် ပြောင်းများကိုစုဆောင်းနေကြောင်းသိရှိရပါတယ်။
မြန်မာ့ပြောင်းက ပြည်ပဝယ်လက်ရော ပြည်တွင်းအစာ ပြုပြင်ရေး စက်ရုံတွေရော ၀ယ်လိုအား မြင့်မားနေကြောင်းသိရပါတယ်။ ထို့အပြင် တရုတ်နိုင်ငံက အစားထိုး ဖွံ့ဖြိုးတိုးတက်ရေး အစီအစဉ်အရ နယ်စပ်ဖြတ်ကျော် ကုန်သွယ်မှုမှတစ်ဆင့် မြန်မာ့ပြောင်းကို ဝယ်ယူလျက်ရှိကြောင်းသိရပါတယ်။ မြန်မာ့ပြောင်းကို ပင်လယ် ရေကြောင်းကုန်သွယ်မှုမှတစ်ဆင့် ဖိလစ်ပိုင်၊ ဗီယက်နမ်နှင့် အိန္ဒိယသို့ အဓိကတင်ပို့လျှက် ရှိပြီး နယ်နိမိတ်ချင်းထိစပ်နေတဲ့ အိမ်နီးချင်းနိုင်ငံတွေကိုလည်းတင်ပို့လျှက်ရှိကြောင်း သိရပါတယ်။
၂၀၂၄-၂၀၂၅ ဘဏ္ဍာနှစ် ဧပြီလ ၁ ရက်နေ့မှ စတင်၍ ရှစ်လအတွင်း ပြောင်းတန်ချိန် ၁ ဒသမ ၈၈ သန်း တင်ပို့ခဲ့ပြီး ကန်ဒေါ်လာ ၄၇၇ သန်း တင်ပို့ခဲ့ကြောင်း မြန်မာနိုင်ငံ ပဲမျိုးစုံ ပဲ၊ ပြောင်းနှင့် နှမ်းကုန်သည်များအသင်းမှ သိရပါတယ်။ မြန်မာနိုင်ငံသည် နှစ်စဉ် ပြောင်းအထွက်နှုန်းမှာ တန်ချိန် ၂ ဒသမ ၅ သန်းမှ ၃ သန်းခန့် အထိရှိကြောင်း သိရှိရပါတယ်။
DOCA(ရှမ်း)