ထိုင်းနိုင်ငံ၏ဖူးခတ်ကမ်းခြေသည် ယခုနှစ်တွင် ခရီးသွားကဏ္ဍမှတစ်ဆင့် ဝင်ငွေ ဘတ် ၅၀၀ ဘီလီယံ ရရှိရန်မျှော်မှန်းထားကြောင်း ကျွန်းစု၏အုပ်ချုပ်ရေးမှူး Sophon Suwannarat က ဖေဖော်ဝါရီလ ၂၄ ရက်နေ့က ပြောကြားခဲ့ပါသည်။ အပန်းခြေကျွန်း၏ ၂၀၂၄ ခုနှစ်ကခရီးသွားကဏ္ဍဝင်ငွေရရှိမှုသည် အောင်မြင်မှုရရှိခဲ့ကြောင်း သိရပါသည်။ ထိုင်း နိုင်ငံခရီးသွားအာဏာပိုင်အဖွဲ့ (TAT) ၏အဆိုအရ ၂၀၂၄ ခုနှစ်တွင် ခရီးသွား ၁၃.၁၄ သန်း လာရောက်လည်ပတ်ခဲ့ပြီး ဝင်ငွေ အနည်းဆုံး ဘတ် ၄၉၇ ဘီလီယံ ရရှိခဲ့ကြောင်း သိရ ပါသည်။ TAT ၏အချက်အလက်များက ဖူးခတ်သည် နိုင်ငံခြားသားများအတွက် အဓိက ဦးတည်ရာနေရာတစ်ဖြစ်အဖြစ် ဆက်လက်ရပ်တည်နေသည်ကိုပြသနေသောကြောင့် Mr Sophon က ဒေသအာဏာပိုင်များသည် ယခုနှစ်အတွက် ဘတ် ၅၀၀ ဘီလီယံ ရည်မှန်းထား ကြောင်း ပြောကြားခဲ့ပါသည်။ လွန်ခဲ့သည့်နှစ်က နိုင်ငံခြားခရီးသွားရောက်ရှိမှု ၃၅.၅ သန်း ထဲမှ ၁၃ သန်းကျော်သည် ဖူးခတ်သို့ ရောက်ရှိခဲ့ခြင်းက ကျွန်းစုအား နိုင်ငံအတွက် ဘန်ကောက်ပြီးနောက် ဝင်ငွေရရှိရန်အတွက် အရေးပါသောနေရာတစ်ခု ဖြစ်စေခဲ့ကြောင်း သိရပါသည်။ Mr Sophon ကဖူးခတ်သည် ခရီးသွားများစွာမလိုအပ်ပဲ တစ်နှစ်လျှင် လည်ပတ်သူ ၁၃ သန်း သည်မှန်ကန်သင့်လျော်သည့် ပမာဏဟု ယူဆရကြောင်းနှင့် ၎င်းတို့ သည် ခရီးသွားမျာက ရက်ရှည်နေထိုင်ရန်နှင့် ပိုမိုသုံးစွဲရန် အလိုရှိကြောင်း ပြောကြားခဲ့ပါ သည်။ ၂၀၂၆ ခုနှစ်တွင် ဖူးခတ်သည် World Sustainable Tourism Council ကို အိမ်ရှင် အဖြစ်လက်ခံကျင်းပမည်ဖြစ်သောကြောင့် ကျွန်းသည် ခရီးသွားများ၏မသင့်လျော်သောအမူ အကျင့်များနှင့် အမှိုက်နှင့် ရေဆိုးမြင့်တက်လာမှုတို့ပါဝင်သည့် ခရီးသွားကဏ္ဍ၏ သက်ရောက်မှုကိုဖြေရှင်းရန် စီမံကိန်းများနှင့် စီမံချက်များ အကောင်အထည်ဖော်လိမ့်မည် ဟု သိရပါသည်။ Mr Sophon ကခရီးသွားအားလုံအား ဒေသ၏ ဥပဒေများနှင့် ရိုးရာ ယဉ်ကျေးမှုများကို လေးစားရန် တောင်းဆိုခဲ့ကြောင်းသိရပါသည်။ ရေထိန်းသိမ်းမှုနှင့် ပတ်သတ်၍ ဖူးခတ်သည် လတ်တလောတွင် တစ်နေ့လျှင် ရေဆိုး ၈၅၈၆၂ ကုဗမီတာကို ထိန်းသိမ်းနိုင်စွမ်းရှိသော်လည်း ဒေသတစ်ခုလုံးအတွက် မလုံလောက်ကြောင်း သိရပါသည်။ ထို့ကြောင့် ကျွန်းသည် China Water Environment Group (CWEG) နှင့် ပူးပေါင်း၍ Muang၊ Kathu နှင့် Patong တို့ပါဝင်သည့် နေရာ ၁၀ ခုတို့တွင် ထပ်တိုးရေဆိုးထိန်းသိမ်းမှု စနစ်များ လုပ်ဆောင်ရန် ဖြစ်နိုင်ချေရှိသောလေ့လာမှုများ ပြုလုပ်နေကြောင်း သိရပါသည်။ ၎င်းတို့သည် မတ်လတွင် တရုတ်နိုင်ငံ၌ CWEG နှင့် နားလည်မှုသဝဏ်လွှာ လက်မှတ်ရေး ထိုးမည်ဟု သိရပါသည်။ ဖူးခတ်တွင် တစ်ရက်လျှင် အမှိုက်တန်ချိန် ၁၁၀၀ ထွက်ရှိပြီး တန် ၇၀၀ ကို စီမံထိန်းသိမ်းနိုင်ကြောင်း သိရပါသည်။ ထို့ကြောင့် တစ်ရက်လျှင် စွန့်ပစ်အမှိုက် တန် ၅၀၀ ပတ်ခြာလည် မီးရှို့ဖျတ်စီးနိုင်သည့်စက်ကို ဖူးခတ်မြို့တော် စည်ပင်သာယာရေး ကော်မတီက တည်ဆောက်မည်ဖြစ်ကြောင်း သိရပါသည်။ ထို့ပြင် ဖူးခတ်သည် လည်ပတ်သူ များနှင့် ဒေသခံများအတွက် နေထိုင်မှုအရည်အသွေးပိုမိုကောင်းမွန်ရန်အတွက် အခြေခံ အဆောက်အအုံနှင့် အများပြည်သူဝန်ဆောင်မှုများတွင် ဆက်လက်ရင်းနှီးမြှုပ်နှံမည်ဟု သိရပါသည်။ Mr Sophon က ၎င်းတို့သည် ထိုစီမံကိန်းများက ဖူးခတ်အား ကမ္ဘာတစ်ဝှမ်းမှ ခရီးသွားများကို ထိရောက်စွာကြိုဆိုနိုင်ပြီး နေချင့်စဖွယ်ကောင်းသောမြို့တော်ဖြစ်လာရန် ကူညီပေးနိုင်မည်ဟု မျှော်လင့်ကြောင်း ပြောကြားခဲ့ပါသည်။
DOCA(ရန်ကုန်)