ပဲခူးတိုင်းဒေသကြီး၊ စားသုံးသူရေးရာဦးစီးဌာန၊ ညောင်လေးပင်ခရိုင်ဦးစီးရုံးအနေဖြင့် ကုန် ဈေးနှုန်းတည်ငြိမ်ရေး၊ စားသုံးသူကာကွယ်ရေး လုပ်ငန်းများအပြင် “ကျေးရွာတစ်ရွာ၊ ထုတ်ကုန် တစ်ခု” ( One Village, One product ) လုပ်ငန်းများကိုလည်း အားကြိုးမာန်တက် ဆောင်ရွက် လျက်ရှိရာ ညောင်လေးပင်ခရိုင်ဦးစီးမှူးရုံးမှ ခရိုင်တာဝန်ခံ ဦးရဲမင်းထွဋ်သည် ၇.၂.၂၀၂၅ ရက်နေ့ တွင် ပြွန်တန်ဆာမြို့၊ မြို့မ(၂)ရပ်ကွက်၊ ကောလိယလမ်းရှိ အုန်းတံမြက်စည်း ယက်လုပ်ခြင်းလုပ် ငန်း လုပ်ကိုင်သူများအား တွေ့ဆုံဆွေးနွေးခဲ့ပါသည်။
တွေ့ဆုံဆွေးနွေးရာတွင် ခရိုင်ဦးစီးမှူးက အုန်းတံမြက်စည်းလုပ်ငန်းရှင်အား လုပ်ငန်းအ ခြေအနေများအား မေးမြန်းခဲ့ရာ အုန်းတံမြက်စည်း ပြုလုပ်ရာတွင် အသုံးပြုသော တံမြက်စည်းတံ များကို မြန်မာနိုင်ငံအောက်ပိုင်းဒေသများ ဖြစ်သော ဧရာဝတီ၊ ဖျာပုံ၊ ပုသိမ်တို့မှ ရရှိကြောင်း၊ ၃ပေ ၆ လက်မ ရှိသော ဝါးလုံးအချောင်း၅၀ပါသော တစ်စီးကို ၈၀၀၀ ကျပ် ပေးဝယ်ရကြောင်း၊ တံမြက် စည်းတံ အချောင်းရေ လေးသောင်းပါဝင်သော အစည်းတစ်စီးလျှင် ၁၅၀၀၀၀ ပေးကာ ဝယ်ယူရ ကြောင်း၊ တံမြက်စည်းတံများကို လည်သာကြိုးကွင်းများဖြင့် ချည်နှောင်ရကြောင်း၊ အုန်းတံမြက် စည်း တစ်ချောင်းလျှင် တံမြက်စည်းတံ ၅၀၀ခန့်ပါဝင်ကြောင်း သိရှိရပါသည်။ လုပ်ငန်းရှင်အနေဖြင့် အရင်း၂၅၀၀ကျပ် ရင်းရကာ လုပ်သားများအနေဖြင့် တစ်နေ့လျှင် အုန်းတံမြက်စည်း အချောင်း ၂၀ ခန့်ယက်လုပ်နိုင်ကြောင်း သိရပါသည်။ ရောင်းချရာတွင် ဖောက်သည်ဈေး ၃၅၀၀ ကျပ်ဖြင့် ညောင်လေးပင်၊ ဒိုက်ဦး၊ ပြွန်တန်ဆာ၊ တောင်ငူ၊ ပဲခူးမြို့များ သို့ ရောင်းချလျက်ရှိကြောင်း သိရှိရပါသည်။ လုပ်အားခ အနေဖြင့် လုပ်သားတစ်ဦးသည် အုန်းတံမြက်စည်းချောင်း တစ်ချောင်း လျှင် ၅၀၀ခန့် ရရှိသည်။ အုန်းတံမြက်စည်း ပြုလုပ်ရာတွင် ကုန်ကြမ်းအနေဖြင့် တံမြက်စည်းတံ၊ လည်သာကြိုးကွင်း၊ ဝါးလုံးတို့ လိုအပ်ပါသည်။ တစ်ရက်လျှင် အုန်းတံမြက်စည်းအချောင်းရေ ၈၀၀ခန့်် ထုတ်လုပ်နိုင်ပြီး ပြွန်တန်ဆာမြို့တွင် အုန်းတံမြက်စည်း လုပ်ငန်း လုပ်ကိုင်သော အိမ်ခြေ ၂၀ခန့် ရှိကြောင်းလည်း သိရှိရပါသည်။
DOCA(ပဲခူး)