၁၀ ကြိမ်မြောက် နိုင်ငံတကာ သင်္ဘောတည်ဆောက်ခြင်းနှင့် ကမ်းလွန်နည်းပညာ ပြပွဲ (Vietship 2025 ) ကို မတ်လ ၅ ရက်နေ့က ဗီယက်နမ်နိုင်ငံ ဟနွိုင်းမြို့ရှိ အမျိုးသား ကွန်းဖရန့်စင်တာတွင် ကျင်းပပြုလုပ်ခဲ့ပါသည်။ သုံးရက်ကြာကျင်းပပြုလုပ်သည့် ထိုပွဲတွင် ပြည်တွင်းနှင့်ပြည်ပမှ လုပ်ငန်း ၁၀၃ ခုက ပြခန်း ၂၀၀ ကျော်ဖွင့်လှစ်၍ ပါဝင်ဆင်နွှဲခဲ့ကြောင်း သိရပါသည်။ သင်္ဘောတည်ဆောက်ခြင်းနှင့် ကမ်းလွန်နည်းပညာကိုရည်ရွယ်သည့် ထိုပြပွဲ တွင် နော်ဝေ၊ နယ်သာလန်၊ တရုတ်၊ ဖင်လန်၊ တောင်ကိုရီးယားနှင့် စင်ကာပူတို့မှ ကုမ္ပဏီကြီး များ ပါဝင်ဆင်နွှဲခဲ့ကြောင်း သိရပါသည်။ ပြသသူများသည် သင်္ဘောတည်ဆောက်ခြင်းနှင့် ပြင်ဆင်ခြင်း၊ ကမ်းလွန်ရေနံနှင့် ဂတ်စ်ထုတ်ယူသည့် နည်းပညာများနှင့် တပ်ဆင်ပစ္စည်းများ ကို အသားပေးပြသခဲ့ကြောင်း သိရပါသည်။ ထိုပြပွဲသည် အနာဂတ်သင်္ဘောတည်ဆောက် ခြင်းလုပ်ငန်းအပေါ် အလုပ်ရုံဆွေးနွေးပွဲများ၊ သဘာပတ်ဝန်းကျင်နှင့်သင့်လျော်သည့်သင်္ဘော များနှင့် နောက်ဆုံးပေါ်ကမ္ဘာ့သင်္ဘောတည်ဆောက်သည့်နည်းပညာများအပေါ် အမြင်များ ပါဝင်သည့် များစွာသောချိတ်ဆက်မှုအခွင့်အလမ်းများကို ဖန်တီးခဲ့ကြောင်း သိရပါသည်။ ထိုပြပွဲတွင် အမေရိကန်ဒေါ်လာ သန်း ၆၀ ပတ်လည်တန်ဖိုးရှိသော အဓိကပူးပေါင်း ဆောင်ရွက်မှုသဘောတူညီချက်များနှင့် စာချုပ်သစ်များရရှိရန် မျှော်လင့်ရကြောင်း သိရ ပါသည်။
DOCA(ရန်ကုန်)