၁၇.၃.၂၀၂၅ ရက်နေ့နေ့လည် (၁၄:၂၀) အချိန်တွင် စားသုံးသူရေးရာဦးစီးဌာန၊ မှော်ဘီမြို့နယ် ခွဲရုံးမှ ဒေါ်ဖြူဖြူမြင့်၊ ဒုကြီးကြပ်ရေးမှူးပါ(၂)ဦး၊ မြို့မဈေးတာဝန်ခံ ဦးဝေလင်းအောင်တို့ ပါဝင်လျက် မြို့မဈေးအတွင်းရှိ ကလေးကစားစရာအရုပ်အမျိုးမျိုးရောင်းချနေခြင်းအား ကွင်းဆင်းစစ်ဆေးခြင်းလုပ်ငန်းများ ဆောင်ရွက်ခဲ့ပါသည်။
ထိုသို့ဆောင်ရွက်ခဲ့ရာတွင် ဆိုင်ရှင်များဖြစ်သော ဦးစိုးပိုင်၊ ဦးအောင်ချမ်းသာနှင့် ဦးသန်းဝင်းတို့ ဆိုင်များ၌ ရောင်းချနေသော ကလေးကစားစရာအရုပ်အမျိုးမျိုးတို့တွင် စားသုံးသူ ကာကွယ်ရေးဥပဒေ ၂၀၁၉၊ အခန်း(၁၈)တွင် ပြဌာန်းထားသော ကုန်အညွှန်းအမှတ်အသားတွင် မဖြစ်မနေဖော်ပြရမည့် အချက်များ ပြည့်စုံစွာဖော်ပြထားကြောင်း စစ်ဆေးတွေ့ရှိရပြီး မိမိတို့ ဌာနမှလည်း ကုန်အညွှန်းအမှတ် အသားပြည့်စုံခြင်းမရှိသော ကလေးကစားစရာအရုပ်များကို ဈေးကွက်အတွင်းဖြန့်ဖြူးရောင်းချပါက အရေးယူဆောင်ရွက်သွားမည်ဖြစ်ကြောင်း အသိပညာ ပေးဆွေးနွေးခဲ့ကြောင်း သိရှိရပါသည်။
DOCA(ရန်ကုန်)