ထိုင်းနိုင်ငံ ရင်းနှီးမြှုပ်နှံမှုဘုတ်အဖွဲ့ (BoI) က ၎င်းတို့သည် တရုတ်နိုင်ငံမှ Sunwoda Electric ၏ လျှပ်စစ်မော်တော်ယာဉ်ဘက်ထရီစက်ရုံတည်ဆောက်ရန် အမေရိကန်ဒေါ်လာ ၁ ဘီလီယံ ရင်းနှီးမြှုပ်နှံမှုကို မတ်လ ၁၃ ရက်နေ့က ခွင့်ပြုပေးခဲ့ကြောင်း ပြောကြားခဲ့ပါသည်။ Shenzen အခြေစိုက်ကုမ္ပဏီသည် ထိုင်းနိုင်ငံတွင် ထုတ်လုပ်ခြင်း၊ သုတေသနနှင့် ထုတ်ကုန် ဖွံ့ဖြိုးတိုးတက်ရေးတို့ပါဝင်သည့် လျှပ်စစ်မော်တော်ကားထုတ်လုပ်သူများအတွက် Lithium-ion battery cell ထုတ်လုပ်ခြင်းအတွက် အလုပ်အကိုင် ၁၀၀၀ ဖန်တီပေးမည်ဟု သိရပါသည်။ ထိုင်းနိုင်ငံသည် အရှေ့တောင်အာရှ၏ အကြီးမားဆုံး ကားထုတ်လုပ်ခြင်းနှင့် တင်ပို့ရာဗဟိုဖြစ်ပြီး Toyota နှင့် Honda ကဲ့သို့သော အဓိကကားထုတ်လုပ်သူများတည်ရှိရာ နိုင်ငံဖြစ်ကြောင်း သိရပ့ါသည်။ သို့သော် ထိုကဏ္ဍသည် ၂၀၂၄ ခုနှစ်က ထုတ်လုပ်မှု ၁၀ ရာခိုင်နှုန်းကျဆင်းခဲ့ခြင်းနှင့်အတူ လေးနှစ်ဆက်ကျဆင်းခဲ့ပြီး ပြည်တွင်းရောင်းချမှုနှင့် တင်ပို့ မှုမှာ ၂၆ ရာခိုင်နှုန်းနှင့် ၈.၈ ရာခိုင်နှုန်း အသီးသီး ကျဆင်းခဲ့ကြောင်း သိရပါသည်။ လတ်တလေလာနှစ်များတွင် BYD နှင့် Great Wall Motor ကဲ့သို့သော တရုတ်လျှပ်စစ်ကား ထုတ်လုပ်သူများသည် နိုင်ငံ၌ ဘတ် ၁၀၂ ဘီလီယံ ရင်းနှီးမြှုပ်နှံခဲ့ပြီးဖြစ်ကြောင်း လျှပ်စစ် မော်တော်ယာဉ်လုပ်ငန်းအသင်း၏ အဆိုအရ သိရပါသည်။ အစိုးရသည်လည်း Plug-in hybrid မော်တော်ကားများအတွက် အခွန်မက်လုံးများဖန်တီးပေးရန် စီစဉ်ထားကြောင်း ပြောကြားခဲ့ ပါသည်။ ဂျပန်ကားထုတ်လုပ်သူများသည်လည်း အရောင်းလှုံ့ဆော်ရန်အတွက် အစိုးရထံမှ ပံ့ပိုးမှုရှာဖွေနေကြောင်း သိရပါသည်။
DOCA(ရန်ကုန်)