တောင်ငူမြို့ ညောင်ပင်ဈေးရှိ အရပ်ဒေသအသီးသီးမှ ဒေသထွက်ကုန်များ၊ သစ်သီးဝလံများ လာရောက်ရောင်းချလျက်ရှိရာ ရှမ်းပြည်နယ်ထွက် စတော်ဘယ်ရီသီးများလည်း လူကြိုက်များ၍ ရောင်းအားကောင်းပါသည်။
စတော်ဘယ်ရီသည် မြန်မာနိုင်ငံတွင် ရှမ်းပြည်နယ်တောင်ပိုင်းနှင့် မန္တလေးတိုင်းဒေသကြီး ပြင်ဦးလွင်မြို့နယ်များတွင် အများဆုံး စိုက်ပျိုးကြသည်ဟု သိရှိရပါသည်။ စတော်ဘယ်ရီသီးကို သားရေစာ အဖြစ်လည်းကောင်း၊ ဖျော်ရည်အဖြစ်လည်းကောင်း အများဆုံး စားသုံးကြပါသည်။
ယခင်လတွင် စတော်ဘယ်ရီသီး ၁၀ ကျပ်သားလျှင် ၃၀၀၀ ကျပ်မှ ၃၅၀၀ ကျပ်အထိ ရောင်းချပြီး ယခုလတွင် စတော်ဘယ်ရီသီးအလုံးသေး ၁၀ ကျပ်သားလျှင် ၁၀၀၀ ကျပ် နှင့် အလုံးကြီး ၁၀ ကျပ်သားလျှင် ၁၅၀၀ ကျပ် အထိ စျေးနှုန်းကျဆင်းသွားပါသည်။ စျေးနှုန်းလည်း ချိုသာပြီး လူကြီး လူငယ်မရွေး ကြိုက်နှစ်သက်သဖြင့် ရောင်းအားကောင်းကြောင်း ညောင်ပင်ဈေးရှိ သစ်သီးဆိုင်များမှ သိရပါသည်။
DOCA(ပဲခူး)