ပြည်တွင်းဝယ်လိုအားကောင်းမှုနှင့် တည်ငြိမ်သောရောင်းအားတို့ကြောင့် ၂၀၂၅ ခုနှစ် ဖေဖော်ဝါရီလတွင် ဖိလစ်ပိုင်၏ မော်တော်ယာဉ်ရောင်းချရမှုမှာ ၂၀၂၄ ခုနှစ် ဖေဖော်ဝါရီလထက် ၂.၉ ရာခိုင်နှုန်းမြင့်တက်ခဲ့ကြောင်း သိရပါသည်။ ဖိလစ်ပိုင်မော်တော်ကားထုတ်လုပ်သူများ အသင်း (CAMPI)နှင့် ထရပ်ကားထုတ်လုပ်သူများအသင်း၏ ပူးတွဲထုတ်ပြန်ချက်အရ ဖေဖော်ဝါရီ လတွင် မော်တော်ယာဉ်အစီးရေ ၃၉၁၆၄ စီး ရောင်းချခဲ့ရပြီး ၂၀၂၄ ခုနှစ်ဖေဖော်ဝါရီလက ရောင်းချခဲ့ရသည့် အစီးရေ ၃၈၀၇၂ စီးထက် မြင့်တက်ခဲ့ကြောင်းသိရပါသည်။ ဖေဖော်ဝါရီလတွင် လျှပ်စစ်မော်တော်ယာဉ် ရောင်းချရမှုမှာ အစီးရေ ၁၈၁၆ စီးသို့ရောက်ရှိခဲ့ကြောင်း သိရပါသည်။ ထိုပမာဏထဲမှ ၁၅၈၉ စီး မှာ Hybrid လျှပ်စစ်မော်တော်ယာဉ်( HEV)၊ ၁၈၉ စီးမှာ ဘက်ထရီလျှပ်စစ်မော်တော်ယာဉ်(BEV) နှင့် ၃၈ စီးမှာ plug-in လျှပ်စစ်မော်တော်ယာဉ်(PHEV) တို့ဖြစ်ကြောင်း သိရပါသည်။ ဇန်နဝါရီလ နှင့် ဖေဖော်ဝါရီလ နှစ်လတာ စုစုပေါင်း ကားရောင်းချရမှုမှာ ၇၆၇၆၈ စီးဖြစ်ပြီး ၂၀၂၄ ခုနှစ် ပထမ နှစ်လတာကာလထက် ၆.၄ ရာခိုင်နှုန်းမြင့်တက်ခဲ့ကြောင်း သိရပါသည်။ Passenger ကားများ ရောင်းချရမှုမှာ အစီးရေ ၁၅၈၈၃ စီးရှိပြီး ၂၀၂၄ ခုနှစ် ပထမနှစ်လတာကာလထက် ၁၂.၄ ရာခိုင်နှုန်း ကျဆင်းခဲ့ကြောင်း သိရပါသည်။ ထိုနှစ်လတာကာလအတွင်း Commercial ကားများ ရောင်းချရမှုမှာ ၆၀၈၈၅ စီးရှိပြီး ယခင်နှစ် တူညီသည့်ကာလထက် ၁၂.၆ ရာခိုင်နှုန်း မြင့်တက်ခဲ့ပြီး လျှပ်စစ်ကားရောင်းချ ရမှုမှာ ၃၄၁၆ စီး ရှိကြောင်း သိရပါသည်။ CAMPI က ကားရောင်းချရမှုသည် ထောက်ပံ့မှု ကွင်းဆက်တည်ငြိမ်မှု၊ လျှပ်စစ်ကားများအတွက်ဝယ်လိုအားကြီးထွားမှုနှင့် ကမ္ဘာ့စီးပွားရေး အခြေအနေများပါဝင်သည့် များစွာသောအချက်များ၏ လွှမ်းမိုးမှုခံရကြောင်း ပြောကြားခဲ့ ပါသည်။ ထို့ပြင် AI၊ Sensor များနှင့် အချက်အလက်စနစ်များတွင် နည်းပညာအဆင့် မြှင့်တင်မှုများသည် လုပ်ငန်းနယ်ပယ်ကို အသွင်ကူးပြောင်းနိုင်စွမ်းရှိပြီး ယခုနှစ်အတွက် ရောင်းချရမှုများတွင် အပေါင်းလက္ခဏာဆောင်စွာ ပူးပေါင်းပါဝင်နိုင်ကြောင်း သိရှိရပါသည်။
The Philippine Star
DOCA(ရန်ကုန်)