ပါကစ္စတန်နိုင်ငံ၏ အထည်အလိပ်တင်ပို့မှုသည် လက်ရှိဘဏ္ဍာနှစ်၏ ၂၀၂၄ ဇူလိုင်လမှ စ၍ ၂၀၂၅ ဇွန်လအထိ ၈ လတာကာလအတွင်း အထည်အလိပ်တင်ပို့မှုသည် ပြီးခဲ့သည့် ဘဏ္ဍာရေးနှစ် အလားတူကာလနှင့်နှိုင်းယှဉ်ပါက ၉.၃ ရာခိုင်နှုန်း တိုးလာကြောင်း တာဝန်ရှိသူများက မတ်လ ၁၈ ရက်နေ့က ပြောကြားခဲ့သည်။ အထည်အလိပ်တင်ပို့မှုသည် ၂၀၂၃-၂၄ ဘဏ္ဍာနှစ်၏ ဇူလိုင်လမှ ဇန်နဝါရီလအတွင်း အမေရိကန်ဒေါ်လာ ၁၁၁၄၅.၆၄၇ သန်း နှင့် နှိုင်းယှဉ်ပါက လက်ရှိဘဏ္ဍာနှစ် ဇူလိုင်လမှ ဖေဖော်ဝါရီလအတွင်း ၁၂၁၈၃.၇၂၉ သန်းစံချိန်တင်ခဲ့ကြောင်း ပါကစ္စတန်စာရင်းအင်းဗျူရို (PBS) မှတာဝန်ရှိသူများကပြောကြားခဲ့သည်။ တစ်နှစ်ထက်တစ်နှစ် အခြေခံအားဖြင့် အထည်အလိပ် တင်ပို့မှုသည် ၂၀၂၅ ခုနှစ် ဖေဖော်ဝါရီလတွင် ၀.၄၄ ရာခိုင်နှုန်း အနည်းငယ်တိုးလာပြီး ၂၀၂၄ ခုနှစ် ဖေဖော်ဝါရီလတွင် ကန်ဒေါ်လာ ၁၄၀၇.၁၀၅ သန်းနှင့်နှိုင်းယှဉ်ပါက ဒေါ်လာ ၁၄၁၃.၂၆၂ သန်းတိုး လာခဲ့ကြောင်း PBS ၏အဆိုအရသိရသည်။ တစ်ဖက်တွင် လအလိုက်အထည်အလိပ်တင်ပို့မှုသည် ၂၀၂၅ ခုနှစ်ဇန်နဝါရီလ ဒေါ်လာ ၁၆၈၅.၉၀၅ သန်းနှင့်နှိုင်းယှဉ်ပါက၁၆.၁၇ ရာခိုင်နှုန်းကျဆင်းခဲ့သည်။ ကော်တွန်အဝတ်အထည်၊ ချည်ထည်၊ အိပ်ယာအစွတ်များ၊ မျက်နှာသုတ်ပဝါများ၊ အသင့်ချုပ်အဝတ် အထည်များ၊ ရွက်ဖျင်တဲများ၊ ကန်ဗတ်များနှင့် တာပေါ်လင်များသည် အထည်အလိပ်ကဏ္ဍတွင် ကုန်သွယ်မှုတိုးတက်မှုကို အထောက်အကူဖြစ်စေသောကုန်ပစ္စည်များထဲတွင် ပါဝင်ကြောင်း PBS မှ ပြောကြားခဲ့ကြောင်း သိရှိရပါသည်။
Source : Xinhua
DOCA(ရန်ကုန်)