အင်ဒိုနီးရှားနိုင်ငံသည် အမေရိကန်၏ သွင်းကုန်အကောက်ခွန်မူဝါဒများ၏ ပစ်မှတ်ဖြစ်လာနိုင်ကြောင်း အင်ဒိုနီးရှားကုန်သွယ်ရေးဝန်ကြီး Budi Santoso က မတ် ၁၈ ရက်တွင် ထုတ်ဖော်ပြောကြား ခဲ့သည်။ အင်ဒိုနီးရှား ဗဟိုစာရင်းအင်းအေဂျင်စီ၏ အချက်အလက်များအရ အင်ဒိုနီးရှားသည် ၂၀၂၅ ခုနှစ် ဖေဖော်ဝါရီလတွင် အမေရိကန်နှင့်ကုန်သွယ်မှုပိုငွေ အမေရိကန် ဒေါ်လာ ၁.၅၇ ဘီလီယံ စံချိန် တင်ခဲ့သည်။ ပို့ကုန်များတင်ပို့မှု သိသိသာသာ များနေပြီး US မှ တင်သွင်းမှုမှာ အတော်လေး နည်းပါး နေကြောင်း ဆန်တိုဆိုက သတင်းထောက်များကို ပြောကြားခဲ့သည်။ ဝန်ကြီးက အမေရိကန်ပြည် ထောင်စုထံမှ အပြန်အလှန်အခွန်စည်းကြပ်မှု ဖြစ်နိုင်ခြေကို သတိပြုမိပြီး သူ့၏အဖွဲ့သည် အခြေ အနေများကို ဖြေရှင်းရန် သင့်လျော်သော အစီအမံများကို အကဲဖြတ်နေသည်ဟု ပြောကြားခဲ့သည်။ Santoso က အင်ဒိုနီးရှား၏ လက်ရှိရပ်တည်ချက်သည် လုံခြုံသည်ဟု ယုံကြည်ကြောင်း ထုတ်ဖော် ပြောကြားခဲ့သော်လည်း မကြာမီ အပြီးသတ်နိုင်ဖွယ်ရှိသည့် အမေရိကန်အစိုးရ၏ နောက်ဆုံး အကောက်ခွန်မူဝါဒကို အနီးကပ်စောင့်ကြည့်နေကြောင်း အလေးပေးပြောကြားခဲ့သည်။ အမေရိကန် နိုင်ငံသည် ကုန်သွယ်ရေးလိုငွေပြမှု အများဆုံးနိုင်ငံများအား အာရုံစိုက်လျှက်ရှိကြောင်း အင်ဒိုနီးရှားက အဆင့် ၁၅ နေရာတွင် ရှိနေပြီး ဧပြီလ ၂ ရက်နေ့အတွက် စီစဉ်ထားတဲ့ အခွန်စည်းကြပ် မှုကြေညာ ချက်ကို စောင့်မျှော်နေကြောင်း ဆန်တိုဆိုက ပြောကြားခဲ့သည်။ အင်ဒိုနီးရှား ထုတ်ကုန်များသည် အမေရိကန်တွင် လုံခြုံသော စျေးကွက်ရှိပြီး အမေရိကန် ထုတ်ကုန်များကို အင်ဒိုနီးရှားတွင် အလားတူ အကာအကွယ် ရရှိစေရေး နှင့် အမေရိကန်နှင့် ခိုင်မာသော ကုန်သွယ်မှု ဆက်ဆံရေးကို ထိန်းသိမ်းရန် အရေးကြီးကြောင်း ၎င်းက အလေးပေးပြောကြားခဲ့ကြောင်း သိရှိရပါသည်။
Source : Xinhua
DOCA(ရန်ကုန်)