အမေရိကန်သမ္မတ ဒေါ်နယ်ထရန့် အစိုးရအဖွဲ့က အမေရိကန်ကုန်သွယ်ဖက်များအပေါ် စည်းကြပ်ခွန်များ ချမှတ်ခြင်း သို့မဟုတ် ခြိမ်းခြောက်ခြင်းများသည် စျေးနှုန်းကြီးမြင့်မှုအပေါ် သက်ရောက်မှုများ ဆက်လက်ဖြစ်ပေါ်နေသဖြင့် အမေရိကန်စားသုံးသူများနှင့် အသေးစား စီးပွားရေး လုပ်ငန်းများ၏ အဆိုးမြင်မှုကို တိုးလာစေသည်။ ကိန်းဂဏန်းအချက်အလက်များအရ အမေရိကန် လက်လီကြက်ဥဈေးသည် မကြာသေးမီက ကျဆင်းခဲ့သော်လည်း ကွင်းစ်ရှိ ကုန်စုံဆိုင်များတွင် ကြက်ဥတစ်ဒါဇင်ခန့်သည် ၁၀ ဒေါ်လာခန့်ဖြစ်သည်။ ကြက်ဥဈေးနှုန်းများ မြင့်မားခြင်းသည် စားသုံး သူများ၏ အပြုအမူများကို ပုံစံအမျိုးမျိုးဖြင့် ပြောင်းလဲစေခဲ့သည်။ သွင်းကုန်များအပေါ် အခွန်စည်း ကြပ်ခြင်းသည် စားသုံးသူများနှင့် စီးပွားရေးဆိုင်ရာ စိုးရိမ်မှုများကို လှုံ့ဆော်ပေးလျှက်ရှိသည်။ University of Michigan ၏ စစ်တမ်းတွင် US စားသုံးသူ ယုံကြည်မှုသည် မတ်လတွင် ၅၇.၉ ရာခိုင်နှုန်း သို့ ရောက်ရှိလာပြီး ၂၀၂၄ ခုနှစ် ဒီဇင်ဘာလတွင် ၂၂ ရာခိုင်နှုန်းအထိ ကျဆင်းသွားသည်ကို ပြသထားသည်။ အာရှဇိမ်ခံ ခရီးသွားခြင်းကို အဓိကထားလုပ်ဆောင်သည့် နယူးယောက်အခြေစိုက် Remote Lands ခရီးသွားအေဂျင်စီ၏ CEO ဖြစ်သူ Catherine Heald က ၎င်း၏ကုမ္ပဏီတွင် ဂျပန်၊ တရုတ်၊ တောင်ကိုရီးယားနှင့် ထိုင်းနိုင်ငံတို့၌ ပါတနာများရှိသောကြောင့် သံတမန်ဆက်ဆံရေး ညံ့ဖျင်းပါက သူမ၏လုပ်ငန်းကို ထိခိုက်နိုင်ကြောင်း ပြောကြားခဲ့သည်။ အခွန်စည်းကြပ်မှုကဲ့သို့ အုပ်ချုပ်ရေးအသစ်၏ အစပျိုးမှုသည် ရူးသွပ်ရာရောက်ကြောင်း၊ ၎င်း၏ရှေးရိုးစွဲဝါဒသည် ဖောက်သည်များ၊ လုပ်ဖော်ကိုင်ဖက်များနှင့်ဆက်ဆံရေးကိုထိခိုက်စေမည်ကိုစိုးရိမ်ကြောင်း Heald ကဆက် လက်ပြောကြားခဲ့ကြောင်းသိရှိရသည်။
Source : Xinhua
DOCA(ရန်ကုန်)