မြင်းခြံခရိုင်၊ နွားထိုးကြီးမြို့နယ်တွင် ပျားရည်ပေါ်ချိန်ဖြစ်သော တန်ဆောင်းမုန်း၊ နတ်တော် လများ၌ ပျားဖွတ်သူများနည်းပါး၍ ပျားရည်ရှားပါးသောကြောင့် ပျားရည်ဈေးမှာတစ်ပိဿာလျှင် (၃၀၀၀၀)ကျပ်ဈေးရှိကြောင်း၊ ယခင်နှစ်ယခုလိုချိန်ခါများ၌ ဖြစ်ပေါ်ခဲ့သောပျားရည်ဈေးမှာ တစ်ပိဿာလျှင်(၁၅၀၀၀)ကျပ်ဝန်းကျင်သာရှိခဲ့ကြောင်း သိရသည်။ ရှေးလူကြီးသူမများအဆိုအရ ပျားရည်ပေါ်ချိန် ပျားရည်ဈေးမှာ ပဲဆီ၊ နှမ်းဆီဈေးများနှင့်တူညီကြောင်း မှတ်သားသိရှိရသော်လည်း ယခုအချိန်အခါတွင် ပဲဆီ၊ နှမ်းဆီဈေးမှာ တစ်ပိဿာလျှင်(၁၆၀၀၀/၁၇၀၀၀)ကျပ်ဈေးများရှိကြောင်း၊ ပျားရည်ဈေးမှာ ဈေးသာရှိပြီး လိုသလောက်မရရှိဘဲ ရှားပါးလျက်ရှိကြောင်းနှင့် ယခုလိုရှားပါးသည် မှာ ပျားဖွတ်သူနည်းပါး၍ဖြစ်ကြောင်း ပျားရည်တစ်ဆင့်ပြန်လည်ရောင်းချသူတစ်ဦးထံမှ သိရသည်။
DOCA(မန္တလေး)