ဗီယက်နမ်အမြဲတန်းဒုတိယဝန်ကြီးချုပ် Nguyen Hoa Binh သည် ဟိုချီမင်းမြို့တော်နှင့် Da Nang မြို့တော်တို့တွင် ဘဏ္ဍာရေးစင်တာများတည်ထောင်ရန် လူဇင်ဘတ်နိုင်ငံနှင့် ပူးပေါင်း ဆောင်ရွက်ရန် ဆန္ဒရှိကြောင်း မတ်လ ၂၀ ရက်နေ့မှ ၂၂ ရက်နေ့အထိ လူဇင်ဘတ်နိုင်ငံသို့ အလုပ် သဘောလည်ပတ်မှုအတွင်း ပြောကြားခဲ့ပါသည်။ လူဇင်ဘတ် ဘဏ္ဍာရေးဝန်ကြီး Gilles Roth နှင့် အစည်းအဝေးတွင် Binh က ၎င်း၏အလည်အပတ်ခရီး၏ အဓိကရည်ရွယ်ချက်သည် ဘဏ္ဍာရေး စင်တာများတည်ထောင်ရာတွင် လူဇင်ဘတ်ထံမှအတွေ့အကြုံများကို လေ့လာရန် ဖြစ်ကြောင်းနှင့် ဗီယက်နမ်၏ အစိမ်းရောင်ဘဏ္ဍာရေးဖွံ့ဖြိုးတိုးတက်မှုအတွက် ဗျူဟာမြောက် မိတ်ဖက်ဖြစ်သည့် လူဇင်ဘတ်သည် ဗီယက်နမ်အား ဘဏ္ဍာရေးဈေးကွက်၊ အစိမ်းရောင် ဘဏ္ဍာရေး၊ Fintech စီမံ ခန့်ခွဲမှုနှင့် Crypto asset အစရှိသည့်ဧရိယာများတွင် ပံ့ပိုးပေးရန်နှင့် အတွေ့အကြုံများဝေမျှပေး ရန် မျှော်လင့်ကြောင်း ပြောကြားခဲ့ပါသည်။ ဝန်ကြီးက စင်တာများတည်ထောင်ခြင်းသည် ဗျူဟာမြောက်အရွေ့တစ်ခုဖြစ်ပြီး စီးပွားရေးကိုအရှိန်မြှင့်တင် ပေးနိုင်မည်ဖြစ်ကြောင်းပြောကြားခဲ့ပြီး ဥပဒေမူဘောင်ချမှတ်ခြင်း၊ လူသားအရင်းအမြစ် လေ့ကျင့်ခြင်း၊ ရင်းနှီးမြှုပ်နှံမှုမူဝါဒတည်ထောင် ခြင်းနှင့် ဗီယက်နမ်၏ ဘဏ္ဍာရေးဈေးကွက်တွင် လူဇင်ဘတ်ရင်းနှီးမြှုပ်နှံသူများ၏ ပါဝင်မှုလွယ်ကူချောမွေ့စေရေး လူဇင်ဘတ်ကပံ့ပိုးပေးရန် တောင်းဆိုခဲ့ကြောင်း သိရပါသည်။ Roth ကလူဇင်ဘတ်သည် ဗီယက်နမ်နှင့် ဆက်နွယ်မှု ဆက်လက်အားကောင်းရန်မျှော်လင့် ကြောင်းနှင့် ဘဏ္ဍာရေးစင်တာများတည်ထောင်ရန် ဗီယက်နမ်၏အားထုတ်မှုများကို အမြင့်ဆုံးထောက်ပံ့မှုများ၊ ခိုင်မာသောခြေလှမ်းမျာဖြင့် ပံ့ပိုးပေးသွားမည်ဟု ကတိပြုခဲ့ကြောင်း သိရပါသည်။ နှစ်ဖက်စလုံးသည် ဗီယက်နမ်တွင် နိုင်ငံတကာဘဏ္ဍာရေးစင်တာများ တည်ထောင်ခြင်းအပေါ် စီမံချက်များပူးပေါင်း ဆောင်ရွက်ခြင်းနှင့် နားလည်မှုသဝဏ်လွှာ (MoU) လက်မှတ် ရေးထိုးခြင်းတို့ကို လုပ်ဆောင် သွားမည်ဟု သိရပါသည်။
DOCA(ရန်ကုန်)