အမေရိကန်အစားအသောက်နှင့်ဆေးဝါးကွပ်ကဲရေးဌာနမှ တရုတ်ပင်လယ်စာ ကုမ္ပဏီ၈ ခုကို သွင်းကုန်သတိပေးချက်စာရင်းတွင်ထည့်သွင်းထားကြောင်း ဖေဖော်ဝါရီလတွင် ကြေညာခဲ့ သည်။ ထိုသို့ လုပ်ဆောင်ရခြင်းမှာ တင်သွင်းလာသောဂုံးများတွင် per နှင့် polyfluoroalkyl ဒြပ်စင်များပါဝင်မှု မြင့်မားနေခြင်းကို ရှာဖွေတွေ့ရှိခဲ့ခြင်းကြောင့်ဖြစ်သည်။ အမေရိကန်သို့ တင်သွင်း လာသောဂုံးများသည် ရုပ်ပိုင်းဆိုင်ရာစစ်ဆေးခြင်းမရှိပဲ နယ်စပ်တွင်ပင် အလို အလျှောက် ထိန်းသိမ်းခံရမည်ဖြစ်ကြောင်း FDA မှ တားမြစ်ထားသော ပင်လယ်စာ ကုမ္ပဏီများ ကို သတိပေးချက်ထုတ်ပြန်ခဲ့သည်။”Forever Chemicals” ဟု လူသိများသော PFAS ကို စက်မှုလုပ်ငန်းနှင့် နေ့စဉ်ထုတ်ကုန်ပစ္စည်းများတွင်တွေ့ရှိရသည်။ ၄င်းတို့ ပါဝင်မှုသည်ပြင်းထန် သော ကျန်မာရေးပြသာနာများကို ဖြစ်ပေါ်စေနိုင်သည်။ FDA ၏ အဆိအရ PFAS ပါဝင်မှု မြင့်မားခြင်းသည် ကင်ဆာ၊ အသည်းပျက်စီးခြင်း၊သွေးတိုးခြင်းတို့ကို ဖြစ်ပွားစေနိုင်ကြောင်း သိရ သည်။ ရေညစ်ညမ်းမှုသည်ဂုံးများညစ်ညမ်းမှု၏အဓိကအကြောင်းအရင်းဖြစ်သည်။ ဂုံးများနှင့် ဂဏန်းများသည် ငါး၊ အမဲသားနှင့် ဝက်သားတို့ထက် PFAS ပါဝင်မှုပိုများကြောင်းသိရသည်။ ၄င်းသည်ဒေသတွင်း စီးပွားရေးကိုမြင့်တင်ရန် ပင်လယ်စာလုပ်ငန်းကို အမှီပြုနေရသော ဒေသများအတွက် အပျက်သဘော သက်ရောက်မှုရှိနိုင်ပေသည်။ သွင်းကုန်သတိပေးချက်သည် စားသုံးသူများအား ၄င်းတို့ဝယ်ယူသည့် အစားအသောက်နှင့် ပတ်သက်၍ ယုံကြည်စိတ်ချမှု ကိုရရှိစေသည်။ US.bycatch စံချိန်စံညွှန်းများနှင့် မကိုက်ညီသော ငါးဖမ်းခြင်းကို တားမြစ်ခြင်း ကဲ့သို့သောအခြား စည်းမျဉ်များသည် ကုန်သွယ်မှုသဘော တူညီချက်များနှင့် ကျင့်ဝတ်များကို ပိုမိုကြာရှည်ခိုင်မြဲစေသည်။ စားသုံးသူများသည် ကျော်ကြားသော အေဂျင်စီများမှ အစား အသောက်ဘေးကင်းရေးသတိပေးချက်များကို နားစွင့်၍ လိုက်နာဆောင်ရွက်ခြင်း ဖြင့် PFAS ထိတွေ့မှုကို လျှော့ချနိုင်မည်ဖြစ်သည်။ ထို့အပြင် အစားအသောက်များအားစနစ်တကျ သန့်ရှင်း စွာ ပြင်ဆင်ခြင်းသည်လည်း များစွာအရေးပါပေသည်။
DOCA(ရန်ကုန်)