ဗီယက်နမ်လျှပ်စစ်မော်တော်ယာဉ်ထုတ်လုပ်သူ VinFast သည် ပြည့်စုံသော ထောက်ပံ့ ပို့ဆောင်ရေးစီမံခန့်ခွဲမှုဖြေရှင်းချက်များမှတစ်ဆင့် ၎င်းတို့၏အပိုပစ္စည်းကွန်ယက်ချဲ့ထွင်ရန် ဂျာမနီတွင်ရုံးချုပ်ရှိသည့် ထောက်ပံ့ပို့ဆောင်ရေးနှင့် သယ်ယူပို့ဆောင်ရေးကုမ္ပဏီ DHL နှင့် တရားဝင်မိတ်ဖက်ဖွဲ့ခဲ့ကြောင်း သိရပါသည်။ မတ်လ ၃၁ ရက်နေ့ကကြေညာခဲ့သည့် သဘော တူညီချက်အောက်တွင် DHL သည် နယ်သာလန်နိုင်ငံ Born မြို့တွင်ရှိသည့် ၎င်တို့၏ Holtum facility တွင် ဥရောပရှိ VinFast မော်တော်ယာဉ်မော်ဒယ်အားလုံးအတွက် အပိုပစ္စည်းများကို သိုလှောင်ထားမည်ဖြစ်ကာ တင်သွင်းမှုလုပ်ငန်းစဉ်များ၊ ထုတ်ပိုးခြင်းနှင့် ဖြန့်ဖြူးခြင်းတို့ပါဝင် သည့် လုပ်ငန်းစဉ်အားလုံးကိုစီမံခန့်ခွဲမည်ဟု သိရပါသည်။ အရေးပေါ်အခြေအနေများတွင် အပို ပစ္စည်းများကို ၂၄ နာရီအတွင်း ဖြန့်ဖြူးနိုင်ကြောင်း သိရပါသည်။ VinFast Europe ၏ CEO ဖြစ်သူ Le Thi Thu Trang က VinFast သည် DHL နှင့် ဥရောပတွင်မိတ်ဖက်ဖွဲ့နိုင်ခဲ့မှုအတွက် ဂုဏ်ယူကြောင်း ပြောကြားခဲ့ပါသည်။ VinFast သည် ဝယ်ယူသူများအတွက် အကောင်းဆုံးဝန်ဆောင်မှု များပေးနိုင်ရန် ၎င်းတို့၏ အပိုပစ္စည်းထောက်ပံ့မှုကွင်းဆက်ကို ချဲ့ထွင်ရန်ရည်ရွယ်ကြောင်း သိရပါသည်။ Benelux ဒေသ၏ စီးပွားရေးဖွံ့ဖြိုး တိုးတက်ရေးမန်နေဂျာ Etienne Kennis က VinFast နှင့် မိတ်ဖက်ဖွဲ့ရသည့်အတွက် ဂုဏ်ယူကြောင်းနှင့် မှီခိုအားထားနိုင်သော သိုလှောင်မှုစနစ်နှင့် သယ်ယူပို့ဆောင်ရေးစနစ် တို့ကြောင့် ဥရောပတွင် ၎င်းတို့၏ကြီးထွားမှုကို ပံ့ပိုးပေးနိုင်မည်ဟု ပြောကြားခဲ့ပါသည်။ DHL ၏ ကမ္ဘာလုံးဆိုင်ရာကျွမ်းကျင်မှုနှင့် စွမ်းဆောင်ရည်တို့သည့် ၎င်းတို့အား VinFast ၏ဥရောပ ထောက်ပံ့ပို့ဆောင်ရေးမိတ်ဖက်ဖြစ်လာရန် ကူညီပေးမည့် အဓိက အကြောင်းအရာများ ဖြစ်ကြောင်း သိရပါသည်။ ထိုပူးပေါင်းဆောင်ရွက်မှုသည် ဥရောပဈေးကွက် တွင် VinFast ၏ အနာဂတ်တိုးချဲ့မှုအစီအစဉ်များကို ပံ့ပိုးပေးနိုင်မည်ဟု သိရပါသည်။ Holtum တွင် ၎င်းတို့၏အဓိကဖြန့်ဖြူးရေးစင်တာတည်ထောင်ခြင်းအပြင် DHL သည် ချက်နိုင်ငံတွင် VinFast ၏ VF6 နှင့် VF8 မော်ဒယ်များအတွက် အစိတ်အပိုင်းများနှင့် ဘက်ထရီများ သိုလှောင်မည်ဖြစ်ပြီး ပြင်သစ်၊ ဂျာမနီနှင့် နယ်သာလန်တို့မှ VinFast ကိုယ်စားလှယ်များကိုလည်း ဝန်ဆောင်မှုများပေးသွားမည်ဟု သိရပါသည်။
Vietnam Plus
DOCA(ရန်ကုန်)