မွန်ပြည်နယ် မုဒုံမြို့နယ်တွင် ဘက်စုံအဆင့်မြင့်နည်းပညာသုံးစံပြကျေးရွာ (ဘဲရမ်း/ ကွမ်တာ)၌ အောင်နိုင်တိုးမျိုးနွေစပါး အဆင့်အတန်းကောင်း စံကွက်ရိတ်သိမ်းပွဲကို ၂၉.၃.၂၀၂၅ ရက်နေ့၊ နံနက် ၈ နာရီက ကျင်းပခဲ့သည်။
နွေစပါးစံကွက်ရိတ်သိမ်းခြင်းကို ဘဲရမ်းကျေးရွာနေ တောင်သူ ဦးဘသိန်း၏ ကွင်းအမှတ် (၈၄၃) စိုက်ကွက်(၂)ဧကတွင် အောင်နိုင်တိုးစပါးအမျိုးအစားအား ရိတ်သိမ်းခဲ့ရာ မုဒုံမြို့နယ် စီမံအုပ်ချုပ်ရေးအဖွဲ့၊ မြို့နယ်စိုက်ပျိုးရေးဆိုင်ရာ တိုးတက်မြင့်မားရေးအဖွဲ့ ဌာနဆိုင်ရာတာဝန် ရှိသူများ၊ စိုက်ပျိုးရေးဦးစီးဌာနမှ မြို့နယ်ဦးစီးမှူးနှင့် ဝန်ထမ်းများ၊ တောင်သူများ တက်ရောက်ခဲ့ကြသည်။
အဆိုပါ နွေစပါး အဆင့်အတန်းကောင်းစံကွက် အောင်နိုင်တိုး စပါးအမျိုးအစားကို ဆယ်တန်းတစ်တန်းလှပ်၍ ဒီဇင်ဘာလမှ စတင်စိုက်ပျိုးခဲ့ရာ တစ်ဧကအထွက်နှုန်း စပါးအစို (၁၅၀ ဒသမ ၃၅ )တင်း ထွက်ရှိကြောင်း သိရသည်။
DOCA(မွန်)