စားသုံးသူရေးရာဦးစီးဌာနသည် စားသုံးသူကာကွယ်ရေး၊ အသိပညာပေး လုပ်ငန်းများအပြင် ပြည်တွင်းရှိ စိုက်ပျိုးထုတ်လုပ်လျက်ရှိသော သီးနှံများ အထွက်တိုးရေး၊ ဈေးနှုန်းတည်ငြိမ်ရေး၊ ပြည်တွင်းပြည်ပတွင် ဈေးကွက်ရရှိရေး လုပ်ဆောင်လျက်ရှိရာ (၃.၄.၂၀၂၅)ရက်နေ့ ရက်နေ့တွင် ပဲခူးတိုင်းဒေသကြီးဦးစီးမှူးရုံး၌ “ပို့ကုန်နှစ်ဆတိုးမြှင့်ရေး (ပဲမျိုးစုံကဏ္ဍ) ဖွံ့ဖြိုးတိုးတက်ရေး” အလုပ်ရုံဆွေးနွေးပွဲ ကျင်းပခဲ့ကြောင်း သိရပါသည်။
ပဲခူးတိုင်းဒေသကြီးတွင် ပဲအမျိုးမျိုး စိုက်ပျိုးထုတ်လုပ်လျက်ရှိသဖြင့် ပို့ကုန်နှစ်ဆတိုးမြှင့် ရေးအတွက် ပဲမျိုးစုံကဏ္ဍတိုးမြှင့်ရေးကို ရည်ရွယ်၍ ပဲမျိုးစုံစိုက်ပျိုးထုတ်လုပ်သည့် တောင်သူများ၊ ပဲမျိုးစုံ ရောင်းချတင်ပို့လျက်ရှိသော လုပ်ငန်းရှင်များ၊ ပဲကုန်သည်များနှင့် ပူးပေါင်း၍ “ပို့ကုန်နှစ်ဆ တိုးမြှင့်ရေး (ပဲမျိုးစုံကဏ္ဍ) ဖွံ့ဖြိုးတိုးတက်ရေး” အလုပ်ရုံဆွေးနွေးပွဲကို ကျင်းပခဲ့ခြင်း ဖြစ်ကြောင်း သတင်းရရှိပါသည်။
DOCA(ပဲခူး)