ရန်ကုန်တိုင်းဒေသကြီး၊ သန်လျင်ခရိုင်၊ သန်လျင်မြို့နယ် အောင်ချမ်းသာရပ်ကွက်အတွင်းရှိ Denko စက်သုံးဆီ အရောင်းဆိုင်တွင် စက်သုံးဆီဖြန့်ဖြူးရောင်းချနေသော အခြေအနေအား ဧပြီလ (၇)ရက်နေ့၊ နံနက်(၁၀:၀၀)နာရီအချိန်တွင် ကွင်းဆင်း စစ်ဆေးခဲ့ကြောင်း သိရသည်။
ထိုသို့ ကွင်းဆင်းစစ်ဆေးရာတွင် စားသုံးသူရေးရာဦးစီးဌာနမှ ဝန်ထမ်းများသည် Denko စက်သုံးဆီအရောင်းဆိုင်သို့ သွားရောက်ပြီး ဆိုင်တာဝန်ခံ ဦးသန်းထိုက်အောင်နှင့် တွေ့ဆုံ၍ သတ်မှတ်ထားသော ရည်ညွှန်းဈေးဖြင့် ရောင်းချခြင်းရှိ/မရှိ၊ ဆီပြတ်လပ်မှုရှိ/မရှိနှင့် ဆီဝင်ရောက်မှုနှင့် ဆီလက်ကျန်အခြေအနေများအား စစ်ဆေးမေးမြန်းခဲ့ပြီး နွေရာသီပူပြင်းမှု ကြောင့် မီးသတ်ဆေး ဘူးများ၊ ရေစုပ်စက်များနှင့် ရေပိုက်များ ထားရှိရန်လိုအပ်ကြောင်း မှာကြားခဲ့ပြီး ကွင်းဆင်းစစ်ဆေး ခဲ့ကြောင်း သိရှိရပါသည်။
DOCA(ရန်ကုန်)