ဘင်္ဂလားဒေ့ရှ်အဝတ်အထည် ထုတ်လုပ်သူများ နှင့် တင်ပို့သူများအဖွဲ့အစည်း (BGMEA) နှင့် ပါကစ်စတန် အဆင်သင့်ဝတ် အဝတ်အထည်ထုတ်လုပ်သူများ နှင့် တင်ပို့သူများ အဖွဲ့အစည်း (PRGMEA) တို့သည် နှစ်နိုင်ငံကြား နှစ်ဦးနှစ်ဖက်ပါဝင်သော ကုန်သွယ်ရေးတွင် အားကောင်းလာစေရန် အတွက် နားလည်မှုစာချွန်လွှာကို ဧပြီလ ၂၈ ရက်နေ့တွင် လက်မှတ်ရေး ထိုးခဲ့ကြောင်း သိရပါသည်။ BGMEA မှ အုပ်ချုပ်ရေးမှုး Anwar Hossain နှင့် PRGMEA မှ ဒုဥက္ကဌ Aamir Reyaz Chottani တို့သည် ဒါကာမြို့တွင်ပြုလုပ် သော ပါကစ်စတန်-ဘင်္ဂလားဒေ့ရှ် စီးပွားရေး ဆွေးနွေးပွဲ ဖွင့်လှစ်ရေးအခမ်းအနားတွင် ၎င်းတို့၏ အဖွဲ့အစည်းများ ကိုယ်စား လက်မှတ်ရေးထိုးခဲ့ကြောင်း သိရပါသည်။ ကုန်သွယ်မှု အကြံပေး Sk Bashir Uddin က အဆိုပါ ဆွေးနွေးပွဲသည် ဘင်္ဂလားဒေ့ရှ်နိုင်ငံနှင့် ပါကစ်စတန်နိုင်ငံကြား စီးပွားရေးဆိုင်ရာ ပူးပေါင်းဆောင်ရွက်မှုများတွင် အရေးပါသောကဏ္ဍတွင်ပါဝင်ကြောင်း ပြောကြားခဲ့ပါသည်။ ထို့အပြင် ၎င်းက အဆိုပါလမ်းစဥ်အား ကုန်သွယ်မှု အဖွဲ့များကြား ဆက်သွယ်ရေးကောင်းမွန်စေရန်၊ စီးပွားရေးချဲ့ထွင်မှုများ မြှင့်တင်ရန်နှင့် နှစ်နိုင်ငံလုံးအတွက် ရင်းနှီးမြှုပ်နှံမှုများ ဆွဲဆောင်ရန် အသုံးပြုနိုင်ကြောင်းနှင့် နှစ်နိုင်ငံအနေဖြင့် ကုန်သွယ်ရေး အဆင်ပြေစေရန်အတွက် အကောက်ခွန်များ နှင့် အကောက်ခွန်မဲ့ အတားအဆီးများလျော့ချနိုင်ရန် နည်းလမ်းများရှာဖွေနိုင်လိမ့်မည် ဖြစ်ကြောင်း ထပ်ပေါင်းပြောကြားခဲ့ပါသည်။
Source: The Daily Star
DOCA(ရန်ကုန်)