ပထမသုံးလပတ်ကာလတွင် အမြတ်ငွေ ၂ ဆ ပီဆို ၃.၈၈ ဘီလီယံအထိမြင့်တက်ခဲ့သည့် PPA

     ဖိလစ်ပိုင်နိုင်ငံ၏ ဆိပ်ကမ်းအာဏာပိုင်အဖွဲ့အစည်း (PPA) သည် ယခုနှစ်ပထမသုံးလ ပတ်ကာလတွင် ယခင်နှစ်ထက် အမြတ်‌ငွေ ၂ ဆကျော် ရရှိခဲ့ပြီး နောင်လာမည့်နှစ်တွင်လည်း အမြတ်ငွေများရရှိရန် စီစဥ်နေကြောင်း သိရပါသည်။ အချက်အလက်များအရ PPA ၏ အသားတင်ဝင်ငွေသည် ဇန်နဝါရီလမှ မတ်လအတွင်းတွင် ယခင်နှစ် ပီဆို ၁.၇၃ ဘီလီယံ မှ ပီဆို ၃.၈၈ ဘီလီယံ အထိ မြင့်တက်ခဲ့ကြောင်း သိရပါသည်။ ပြည်တွင်းဆိပ်ကမ်းကြီးကြပ်ရေး မှုးသည် ၎င်း၏ ဝင်ငွေအရင်းအမြစ်များချဲ့ထွင်ခြင်းဖြင့် အမြတ်ငွေများ မြင့်တက်စေရန်စီစဥ် ခဲ့ပြီး ဆိပ်ကမ်းထိန်းသိမ်းရေး နှင့် လည်ပတ်‌ရေးလုပ်ငန်းများ နှင့် ဝန်ဆောင်မှုလုပ်ငန်းများ မြှင့်တင်ခြင်းများဖြင့် ရရှိလာသောဝင်‌ငွေများကြောင့် ၎င်း၏ ဝင်ငွေသည် ၂၄ ရာခိုင်နှုန်း ပီဆို ၇.၁၂ ဘီလီယံခန့် မြင့်တက်လာကြောင်း သိရပါသည်။ ၎င်းမြင့်တက်မှုသည် အသုံးစရိတ်များ တွင် ပီဆို ၃.၂၄ ဘီလီယံခန့် ၁၉ ရာခိုင်နှုန်း ဖြတ်တောက်မှုများကြောင့် ဖြစ်ကြောင်း သိရပါ သည်။ PPA သည် အစိုးရပိုင်ကုမ္ပဏီများကြားတွင် အမြတ်ဝေစု ဖြန့်ဝေသူများထဲမှ အဖွဲ့ အစည်းတစ်ခုဖြစ်သောကြောင့် အမြတ်ငွေများရရှိရန်အလွန်အရေးပါကြောင်း သိရပါသည်။ ၂၀၂၄ ခုနှစ်တွင် PPA သည် အမြတ်ဝေစုတွင် ၂၀၂၃ ခုနှစ်ထက် ပီဆို ၅.၀၆ ဘီလီယံမှ ပီဆို ၅.၂ ဘီလီယံ အထိ မြင့်တက်ခဲ့ကြောင်း သိရပါသည်။ PPA သည် အမြင့်ဆုံးအမြတ်ဝေစုများဖြင့် ဖိလစ်ပိုင်နိုင်ငံအစိုးရပိုင်နှင့် ထိန်းချုပ်ထားသော ကော်ပို‌ရေးရှင်းများ (GOCCs) ထဲမှ တစ်ခုဖြစ် ကြောင်း သိရပါသည်။ အမြတ်ဝေစုဥပဒေအရ GOCCs သည် အစိုးရ၏ ဘဏ္ဍာရေး စီမံကိန်း ထောက်ပံ့ရန်အတွက် ၎င်းတို့၏ အမြတ်ငွေထက်ဝက်ခန့်ကို ဘဏ္ဍာရေးဌာန သို့ ထောက်ပံ့ ရမည်ဖြစ်ကြောင်း သိရပါသည်။ အဆိုပါ အမြတ်ဝေစုများသည် အခွန်မဲ့ဝင်‌ငွေများဖြစ်ပြီး အဆိုပါ ဝင်ငွေများအား အစိုးရစီမံကိန်းများဖြစ်သော အ‌ဆောက်အအုံများ နှင့် အသက်မွေး ဝမ်းကြောင်းများတွင် ငွေကြေးထောက်ပံ့မည်ဖြစ်ကြောင်း သိရပါသည်။ PPA သည်  ပြီးခဲ့သော အပတ်တွင် Misamis အခြေပြု Balingoan ဆိပ်ကမ်း၏ ဆိပ်ကမ်း လုပ်ငန်းလည်ပတ်ရေး အဆောက်အဦးအသစ်အတွက်  ပီဆို ၄၃၀.၃၉ သန်းခန့် ထောက်ပံ့ခဲ့ကြောင်း သိရပါသည်။ ၂၀၂၅ ခုနှစ်တွင် PPA သည် ပြည်နယ်အများစုတွင် ဆိပ်ကမ်းစီမံကိန်းများ အဆုံးသတ်ရန် ရည်မှန်းထားကြောင်း သိရပါသည်။ ထို့အပြင် အေဂျင်စီသည် ကမ္ဘာလှည့်ခရီးသည်များ တည်း ခိုရာနေရာများတွင် အပျော်စီးဆိပ်ကမ်းများအဆုံးသတ်ရန် အမြန်ပြီးဆီးအောင်ဆောင်ရွက် မည်ဖြစ်ကြောင်း သိရပါသည်။ PPA မှသတင်းအချက်အလက်များအရ ဆိပ်ကမ်းများ မှတစ်ဆင့် ကုန်စည်စီးဆင်းမှုသည် ၂၀၂၃ ခုနှစ်တွင် မက်ထရစ်တန်ချိန် ၂၇၄.၄၆ သန်း မှ ၂၀၂၄ ခုနှစ်တွင် မက်ထရစ်တန်ချိန် ၂၈၉.၅၂ သန်းအထိ ၆ ရာခိုင်နှုန်းခန့် မြင့်တက်ခဲ့ကြောင်း သိရပါသည်။ ထို့အပြင် ခရီးသည် အ‌ရေအတွက်သည် ဖိလစ်ပိုင်နိုင်ငံသားများ၏ အားလပ်ချိန်ခရီးသွားမှုများ မြင့်တက်ခြင်းကြောင့် လူဦးရေ ၇၈.၇၄ သန်း၊၇ ရာခိုင်နှုန်းခန့်အထိ မြင့်တက်ခဲ့ကြောင်း သိရပါသည်။

Source: Philstar

DOCA(ရန်ကုန်)