ဖိလစ်ပိုင်နိုင်ငံစီးပွားရေးဇုန်အာဏာပိုင်အဖွဲ့ (PEZA) မှ အတည်ပြုထားသောရင်းနှီး မြှုပ်နှံမှုများသည် ဇန်နဝါရီလမှ ဧပြီလအတွင်းတွင် နှစ်ဆမြင့်တက်လာကြောင်း သိရပါသည်။ ဧပြီလ ၂၉ ရက်နေ့တွင်ထုတ်ပြန်သော ထုတ်ပြန်ချက်အရ ၎င်းတို့မှအတည်ပြုထားသော ရင်းနှီးမြှုပ်နှံမှုများသည် ယခင်နှစ်တူညီသောကာလတွင် ရရှိခဲ့သော ပီဆို ၂၉.၉၆ သန်း မှ ပီဆို ၆၃.၅၂ ဘီလီယံအထိ ၁၁၂ ရာခိုင်နှုန်းခန့် မြင့်တက်ခဲ့ကြောင်း သိရပါသည်။ ပထမလေးလ အတွင်းတွင် ၂၀၂၄ ခုနှစ်တွင် စီမံကိန်း ၇၃ ခုလက်ခံရရှိခဲ့ပြီး ယခုနှစ်တွင် စီမံကိန်း ၈၆ ခု လက်ခံရရှိခဲ့ကြောင်း သိရပါသည်။ အဆိုပါစီမံကိန်းများတွင် အလုပ်အကိုင်ပေါင်း ၂၄၉၂၀ ခန့် ရရှိရန် ၎င်းတို့အနေဖြင့် မျှော်မှန်းထားပါသည်။ PEZA ၏ ထုတ်ပြန်ချက်အရ တောင်ကိုရီးယားနိုင်ငံသည် ရင်းနှီးမြှုပ်နှံမှုအရင်းအမြစ်များတွင် ထိပ်သီးရပ်တည်သောနိုင်ငံ အဖြစ် ပီဆို ၁၀.၄၅ ဘီလီယံ ရင်းနှီးမြှုပ်နှံခဲ့ကြောင်းနှင့် တစ်ခြားရင်းနှီးမြှုပ်နှံမှုအရင်းအမြစ် များတွင် အမေရိကန်၊ တရုတ်၊ ဂျပန်၊ ဟောင်ကောင်နှင့် စင်္ကာပူနိုင်ငံများပါဝင်ကြောင်း သိရပါသည်။ ဧပြီလတွင် Baguio ၌ ပြုလုပ်သော အစည်းအဝေးတွင် PEZA မှအတည်ပြုထား သော ရင်းနှီးမြှုပ်နှံမှုများသည် ယခင်နှစ်တူညီသော ကာလထက် ပီဆို ၁၅ ဘီလီယံမှ ပီဆို ၄.၅၈ ဘီလီယံအထိ ၆၉.၅ ရာခိုင်နှုန်းခန့် ထိုးကျသွားကြောင်း သိရပါသည်။ အဆိုပါအတည်ပြုထားသော ရင်းနှီးမြှုပ်နှံမှုများသည် အလုပ်အကိုင်ပေါင်း ၉၀၀၀ ကျော်ခန့် ထောက်ပံ့ပေးနိုင်သော စီမံကိန်း ၂၀ ခုနှင့် ဒေါ်လာ ၃၀၀ သန်းခန့်တန်ကြေးရှိသော တင်ပို့မှုစီမံကိန်း ၂၀ ခု အတွက် ဖြစ်ကြောင်း သိရပါသည်။ အဆိုပါ တင်ပို့မှုစီမံကိန်းများမှာ တင်ပို့ကုန်ထုတ်လုပ်ရေးတွင် ၇ ခု၊ နည်းပညာစီးပွားရေးစီမံခန့်ခွဲရေးတွင် ၅ခု၊ အဆောက်အအုံ စီမံကိန်းများတွင် ၄ ခု၊ အသုံးချမှုများတွင် ၂ ခု၊ ထောက်ပံ့ပို့ဆောင်ရေးများတွင် ၁ ခု နှင့် ပြည်တွင်စျေးကွက်များတွင် ၁ ခုဖြစ်ကြောင်း သိရပါသည်။ အဆိုပါဆီမံကိန်းများသည် ဖိလစ်ပိုင်နိုင်ငံမြို့တော်ဒေသ၊ Cordillera အုပ်ချုပ်ရေးဒေသ၊ Luzon၊ Calabarzon နှင့် Visayas မြို့လယ်ခေါင်များတွင် တည်ရှိကြောင်းသိရပါသည်။ Baguio မြို့စီးပွားရေးဇုန်များထဲ မှတစ်ခုဖြစ်သည့် MOOG သည် လေယာဥ်အစိတ်အပိုင်းများတပ်ဆင်ထုတ်လုပ်သည့် လုပ်ငန်းများတွင် ပါဝင်ဆောင်ရွက်နေကြောင်းသိရပါသည်။ ၎င်းကုမ္ဏီသည် ဖိလစ်ပိုင်လုပ်သား ၁၅၀၀ ကျော်အတွက် အလုပ်အကိုင်များ ထောက်ပံ့ပေးနိုင်သည့် ပီဆို ၄ ဘီလီယံ ရင်းနှီး မြှုပ်နှံမှုပြုလုပ်ခဲ့ကြောင်း သိရပါသည်။ ကမ္ဘာ့ကုန်သွယ်ရေးစည်းမျဥ်းများ မတည်ငြိမ်မှုများ ကြားတွင် PEZA ညွှန်ကြားရေးမှုးချုပ် Tereso Panga က ရင်းနှီးမြှုပ်နှံမှုမြှင့် တင်ရေးအေဂျင်စီသည် ဖိလစ်ပိုင်နိုင်ငံနှင့်ပတ်သက်သည့် စုံစမ်းမေးမြန်းခြင်းများကို လက်ခံ မည် ဖြစ်ကြောင်းနှင့် စီးပွားရေးဇုန်အတွင်း ရင်းနှီးမြှုပ်နှံမှုအခွင့်အလမ်းများ ရှာဖွေနေ သည့် ကိုယ်စားလှယ်အဖွဲ့များအား ကြိုဆိုနေကြောင်း ပြောကြားခဲ့ပါသည်။
Source: Philstar
DOCA(ရန်ကုန်)