ကမ္ဘောဒီးယားနှင့် အီရန်နိုင်ငံတို့သည် ရေနံဓာတုဗေဒ၊ နာနိုနည်းပညာ၊ အာကာသ လေ့လာရေး၊ ရေနံချက်စက်ရုံ၊ ဆောက်လုပ်ရေးနှင့် အခြေခံအဆောက်အဦများ ဖွံ့ဖြိုးတိုးတက် ရေးတို့တွင် နှစ်နိုင်ငံရင်းနှီးမြှုပ်နှံမှုများမြှင့်တင်ရန်နှင့် နှစ်နိုင်ငံတိုက်ရိုက်လေကြောင်းများ ဖွင့်လှစ်နိုင်ခြေကို ဆန်းစစ်ရန် ၂-၅-၂၀၂၅ ရက်နေ့က သဘောတူခဲ့ကြသည်။ ကမ္ဘောဒီးယားနိုင်ငံ ဖွံ့ဖြိုးတိုးတက်ရေးကောင်စီ (CDC) ၏ ဒုတိယဥက္ကဌ Sun Chanthol သည် ကမ္ဘောဒီးယားနိုင်ငံ သံအမတ်ကြီး Ali Akbar Nazari ဦးဆောင်သော ကိုယ်စားလှယ်အဖွဲ့အား လက်ခံတွေ့ဆုံစဉ် နှစ်နိုင်ငံစလုံး၏ အကျိုးစီးပွားအတွက် ပိုမိုမြင့်မားသော ပူးပေါင်းဆောင်ရွက်မှုကို အားကောင်း လာစေရန်နှင့် အီရန်၏အကျိုးစီးပွားအတွက် ကမ္ဘောဒီးယားနိုင်ငံ၏ စီးပွားရေးနှင့် လူမှုရေး ဖွံ့ဖြိုးတိုးတက်မှုတို့တွင် တိုးတက်မှုကို တွေ့ရှိရကြောင်း ပြောကြားခဲ့သည်။ ရေနံ ဓာတုဗေဒ၊ နာနိုနည်းပညာ၊ အာကာသယာဉ်၊ ရေနံချက်စက်ရုံတည်ဆောက်မှု၊ လမ်းတည်ဆောက်မှုနှင့် စက်မှုဖွံ့ဖြိုးတိုးတက်မှုအပါအဝင် ကဏ္ဍများစွာတွင် နည်းပညာနှင့် အင်ဂျင်နီယာဆိုင်ရာ ကျွမ်းကျင်မှုများကို ပေးဆောင်ခြင်းဖြင့် ကမ္ဘောဒီးယားနိုင်ငံ၏ ဖွံ့ဖြိုးတိုးတက်မှုအတွက် ပံ့ပိုး ကူညီရန် အီရန်နိုင်ငံသည် အဆင်သင့်ရှိကြောင်း Tehran Times သတင်းစာတွင် ဖော်ပြထား သည်။ Ali Akbar Nazari သည် စိုက်ပျိုးရေး၊ သစ်တောနှင့် ရေလုပ်ငန်းဝန်ကြီးဌာနမှ နိုင်ငံခြားရေးဝန်ကြီး Im Sithol နှင့် ဆန်၊ ငရုတ်ကောင်း၊ သရက်သီး အပါအဝင် ကမ္ဘောဒီးယား လယ်ယာထွက်ကုန်များ အီရန်ဈေးကွက်သို့ တင်ပို့နိုင်မည့် အခွင့် အလမ်းများကို ဆွေးနွေး ခဲ့ကြသည်။ Im Sithol က ကမ္ဘောဒီးယားသည်လည်း သစ်သီးများနှင့် ကုံကုမန်ပန်းများ (saffron) အပါအဝင် အီရန်နိုင်ငံမှ စိုက်ပျိုးရေးထွက်ကုန်များကို တင်သွင်းရန် ရည်ရွယ် ထားကြောင်း ပြောကြားခဲ့သည်။ အီရန်သည် ကုံကုမန်ပန်း(saffron) အများဆုံး ထုတ်လုပ်သည့် နိုင်ငံဖြစ်ပြီး ကမ္ဘာ့ကုံကုမန်ပန်း(saffron) ထုတ်လုပ်မှု၏ ၉၀ ရာခိုင်နှုန်းခန့်ရှိသည်။
Source: Khmer Times
DOCA(ရန်ကုန်)