၂၀၂၅ခုနှစ်၊ ဧပြီလ ၃၀ ရက်နေ့၊ နံနက်(၉:၀၀)နာရီအချိန်တွင် ကော့သောင်းမြို့ပေါ်ရှိ ရွှေနှင်းဆီ (စားသောက်ဆိုင်)အား ကော့သောင်းခရိုင်စားသုံးသူရေးရာဦးစီးဌာန၊ မြို့နယ်အထွေ ထွေအုပ်ချုပ်ရေးဦးစီးဌာန၊ ခရိုင်ပြည်သူ့ကျန်းမာရေးဦးစီးဌာန ၊ မြို့နယ်စည်ပင်သာယာရေးအဖွဲ့ တို့နှင့်ပူးပေါင်း၍ အစားအသောက်ရောင်းချသည့် ဝန်ဆောင်မှုလုပ်ငန်းအား ကွင်းဆင်းစစ်ဆေးခဲ့ ပါသည်။
အဆိုပါ ရွှေနှင်းဆီ(စားသောက်ဆိုင်)အား ကွင်းဆင်းစစ်ဆေးရာတွင် အစားအသောက် ရောင်းချသည့်နေရာတွင်သန့်ရှင်းခြင်း၊ အစားသောက်ကိုင်တွယ်ချက်ပြုတ်သူများနှင့် ဝန်ဆောင်မှု ပေးသူများသည် တစ်ကိုယ်ရည်သန့်ရှင်းမှုရှိခြင်း၊ အစားသောက်များလတ်ဆက်သန့်ရှင်းမှုရှိခြင်း၊ အစားသောက်စျေးနှုန်းအားပွင့်လင်းမြင်သာစွာအသိပေးဖော်ပြထားခြင်း စသည်တို့ကို စစ်ဆေး တွေ့ရှိခဲ့ပါကြောင်း သိရှိရပါသည်။
စစ်ဆေးရေးအဖွဲ့များသည် စားသောက်ဆိုင်အား မိမိတို့ဆိုင်များမှ ပေးအပ်သည့်ဝန် ဆောင်မှုနှင့်စပ်လျဉ်း၍ စားသုံးသူများ စားသုံးသူအခွင့်အရေးအပြည့်အဝ မရရှိခဲ့လျှင် စားသုံးသူ ကာကွယ်ရေးဥပဒေအပြင် အခြားသက်ဆိုင်ရာဌာနများ၏ ဥပဒေပါ ထပ်မံအရေးယူရမည် ဖြစ်ပါ ကြောင်း အသိပညာပေးဆွေးနွေးပြောကြားခဲ့ပါကြောင်း သိရှိရပါသည်။
DOCA(ရန်ကုန်)