စားသုံးသူရေးရာဦးစီးဌာန၊ တောင်ငူခရိုင်၊ အုတ်တွင်းမြို့နယ်တာဝန်ခံ ဒေါ်အေးအေးခိုင် သည် ဧပြီလ ၄ ရက်နေ့ နံနက်ပိုင်းက အုတ်တွင်းမြို့နယ် ပြန်ကြားရေးနှင့်ပြည်သူ့ဆက်ဆံရေးဦးစီး ဌာန၌ ဖွင့်လှစ်သည့် နွေရာသီကျောင်းပိတ်ရက်ကိုယ်ကာယကြံ့ခိုင်မှုအခြေခံ Fitness Dance သင်တန်းသို့ တက်ရောက်သည့် ကျောင်းသားကျောင်းသူများအား စားသုံးသူကာကွယ်ရေးဆိုင်ရာ များကို အသိပညာပေး ဟောပြောခဲ့ပါသည်။
စားသုံးသူရေးရာဦးစီးဌာန မြို့နယ်တာဝန်ခံသည် ကုန်စည်နှင့်ဝန်ဆောင်မှုများကို ရယူ သုံးစွဲခြင်းကြောင့် စားသုံးသူများနစ်နာဆုံးရှုံးမှု ဖြစ်စေသည့်အကြောင်းရင်းများ၊ စားသုံးသူနစ်နာ ဆုံးရှုံးမှု မဖြစ်စေရန်အတွက် ဦးစီးဌာန၏ ဆောင်ရွက်ချက်များ၊ စားသုံးသူနစ်နာဆုံးရှုံးမှုများ ဖြစ်ပေါ်လာပါက အရေးဆိုတိုင်ကြားနိုင်ခြင်းများ၊ ကုန်စည်များဝယ်ယူရာတွင် ကုန်အညွှန်းအမှတ်အသားများကို ဦးစားပေးဖတ်ရှုသင့်သည့်အကြောင်းများနှင့် အွန်လိုင်းတွင်ဈေးဝယ်ယူရာတွင် သတိပြုရမည့် အချက်များကို အသိပညာပေးပြောကြားပါသည်။
ဟောပြောပွဲတွင် ပြန်ကြားရေးနှင့်ပြည်သူ့ဆက်ဆံရေးဦးစီးဌာန မြို့နယ်ဦးစီးဌာနမှူး ဒေါ်ခင်မူမူဝင်းနှင့် အားကစားနှင့်ကာယပညာဦးစီးဌာန၊ မြို့နယ်ဦးစီးဌာနမှူး ဒေါ်သပြေတို့ကလည်း သက်ဆိုင်ရာဌာနအလိုက် သင်တန်းသား၊ သင်တန်းသူများ သိသင့်သိထိုက်သည်များကို အသိပညာပေး ဟောပြောခဲ့ကြောင်းနှင့် ဟောပြောပွဲသို့ သင်တန်းသား၊ သင်တန်းသူ ၂၀ ဦး တက်ရောက်ကြောင်း သိရပါသည်။
DOCA(ပဲခူး)