အိန္ဒိယနိုင်ငံသည် ပါကစ္စတန်နိုင်ငံမှ သွင်းကုန်အားလုံးကို တားမြစ်ပိတ်ပင်လိုက်ကြောင်း မေလ ၃ ရက်နေ့က ကြေညာခဲ့ပြီး ကန်သတ်မှုအား အမျိုးသားလုံခြုံရေးနှင့် ပြည်သူရေးရာ မူဝါဒ အကျိုးစီးပွားအတွက် ချမှတ်ခဲ့ခြင်းဖြစ်သည်ဟု ပြောကြားခဲ့သည်။ အိန္ဒိယမှ ထိန်းချုပ်ထားသော ကတ်ရှ်မီးယားတွင် ဧပြီ ၂၂ ရက်နေ့က ပါဟယ်ဂမ်တွင် ခရီးသွားများကို အသေအပျောက် များစေသည့် တိုက်ခိုက်မှုတစ်ခုဖြစ်ပွားပြီးနောက် အိန္ဒိယနှင့် ပါကစ္စတန်တို့ကြား တင်မာမှုများ မြင့်တက်လာခဲ့သည်။ အိန္ဒိယ ကူးသန်းရောင်းဝယ်ရေးနှင့် စက်မှုဝန်ကြီးဌာနမှ ထုတ်ပြန်သည့် တရားဝင်ထုတ်ပြန် ချက်တစ်ရပ်အရ ပါကစ္စတန်အခြေပြုသော သို့မဟုတ်တင်ပို့သော ကုန်ပစ္စည်းများအားလုံးကို တိုက်ရိုက်ဖြစ်စေ၊ သွယ်ဝိုက်သောနည်းဖြင့်ဖြစ်စေ တင်သွင်းခြင်း၊ လွတ်လပ်စွာတင်သွင်းခွင့် သို့မဟုတ် အခြားနည်းဖြင့်ခွင့်ပြုသည်ဖြစ်စေ ထပ်မံ၍ အမိန့်ထုတ်ပြန်မှုမရှိမချင်း အကျိုးသက်ရောက်စေရမည် ဖြစ်ကြောင်းသိရသည်။ ပါကစ္စတန်မှ ကုန်ပစ္စည်းများ တိုက်ရိုက်တင်သွင်းခြင်းသို့မဟုတ် အခြားကုန် သွယ်မှု လမ်းကြောင်းမှ တင်သွင်းခြင်းကို တားမြစ်မည်ဖြစ်ကြောင်း ၎င်းက ထပ်လောင်းပြောကြား ခဲ့သည်။
Source : Xinhua
DOCA(ရန်ကုန်)