ရာသီဥတုပြောင်းလဲမှုကြောင့်ဖြစ်ပေါ်လာသောစိန်ခေါ်မှုများကို လျှော့ပါးသက်သာစေရန် အင်ဒိုနီးရှားနှင့် ဂျပန်တို့သည် စိုက်ပျိုးမွေးမြူရေးနည်းပညာတွင် ပူးပေါင်းဆောင်ရွက်မည်ဟု အင်ဒို နီးရှားစိုက်ပျိုးမွေးမြူရေးဝန်ကြီး Andi Amran Sulaiman က ဧပြီလ ၂၈ ရက်နေ့ကကြေညာခဲ့ပါ သည်။ ထိုပူးပေါင်းဆောင်ရွက်မှုသဘောတူညီချက်ကို Sulaiman နှင့် ဂျပန်နိုင်ငံ စိုက်ပျိုးမွေးမြူရေး၊ သစ်တောနှင့်ငါးလုပ်ငန်းဝန်ကြီး Eto Taku နှင် အစည်းအဝေး ပြီးနောက်ရရှိခဲ့ခြင်းဖြစ်ကြောင်း သိရပါသည်။ Sulaiman ကများစွာသောနိုင်ငံများသည် ကမ္ဘာလုံးဆိုင်ရာရာသီဥတုပြောင်းလဲမှုကြောင့် စိုက်ပျိုးမွေးမြူရေးကဏ္ဍတွင် စိန်ခေါ်မှုများနှင့် ရင်ဆိုင်နေရကြောင်း မှတ်ချက်ပြုခဲ့ပါသည်။ ဝန်ကြီး နှစ်ဦးစလုံးသည် စိုက်ပျိုးရေးသမားများ၏ ထုတ်လုပ်နိုင်စွမ်းကို သက်ရောက်စေသည့် မြင့်မားသည့် အပူချိန်နှင့် ပတ်သတ်၍ ဝန်ခံခဲ့ကြ ကြောင်းပြောကြားခဲ့ပါသည်။ အခြားတစ်ဖက်တွင် Sulaiman က အင်ဒိုနီးရှားသည်များစွာသော ရေအရင်းအမြစ်နှင့်အတူ မြေဩဇာကောင်းသောစိုက်ပျိုးမြေကို ပိုင်ဆိုင်ထားဖြင်းက ခေတ်မီ စိုက်ပျိုးရေးနည်းပညာများအား လက်တွေ့အကောင်အထည်ဖော်ရာတွင် ပူးပေါင်းဆောင်ရွက်ရန် အခွင့်အလမ်းများကို ဖန်တီးပေးနိုင်ကြောင်း ပြောကြားခဲ့ပါသည်။ ထို့ပြင် Sulaiman က အင်ဒိုနီးရှားသည် စားအုန်းဆီစိမ်းပေါကြွယ်ဝပြီး ဂျပန်နိုင်ငံက နွားနို့ထုတ်လုပ်မှု ပိုလျှံကြောင်း၊ ထို့ကြောင့် ၎င်းတို့သည်နွားနို့ဖူလုံမှုမရှိသဖြင့် ဂျပန်အားစားအုန်းဆီစိမ်းကမ်းလှမ်းပြီး ဂျပန်ထံမှ နွားနို့ပြန်လည် တင်သွင်းလိုကြောင်းနှင့် အသေးစိတ်အချက်အလက်များကို မကြာခင် ဆွေးနွေး မည်ဖြစ်ကြောင်း ပြောကြားခဲ့ပါသည်။
Reference; Antara News
DOCA(ရန်ကုန်)