စားသုံးသူရေးရာဦးစီးဌာန၊ ရခိုင်ပြည်နယ်၊ အမ်းမြို့နယ်ဦးစီးမှူးရုံးမှ မြို့နယ်တာဝန်ခံနှင့် ဝန်ထမ်းများသည် မြို့နယ်ထွေ/အုပ်၊ မြို့နယ်စည်ပင်သာယာရေးအဖွဲ့တို့ပါဝင်သော ပူးပေါင်းအဖွဲ့ဖြင့် (၁၉-၆-၂၀၂၂) နေ့ နံနက် (၁၀:၃၀)အချိန်တွင် အမ်းမြို့နယ် တပ်တောင်ရှိ ငပိ/ငံပြာရည် ထုတ်လုပ်သည့် လုပ်ငန်းခွင်သို့ သွားရောက်၍ ဈေးကွက်မရောက်မီကုန်ပစ္စည်းများအား ထုတ်ကုန်လုံခြုံစိတ်ချရမှု ရှိစေရေးနှင့် ဘေးအန္တရာယ်ကင်းရှင်းစွာထုတ်လုပ်နိုင်ရေး ဈေးကွက်စောင့်ကြည့်စစ်ဆေးခြင်း ဆောင်ရွက်ခဲ့ပါသည်။
စားသုံးသူရေးရာဦးစီးဌာနသည် ဈေးကွက်မရောက်မီ ဈေးကွက်ရောက်ပြီး ကုန်ပစ္စည်းများ ဘေးန္တရာယ်ကင်းရှင်းစေရေးနှင့် ထုတ်ကုန်လုံခြုံစိတ်ချရမှုရှိစေရေး ဈေးကွက်စောင့်ကြည့် စစ်ဆေးခြင်းအား အမြဲမပြတ်ဆောင်ရွက်လျက်ရှိရာ အမ်းမြို့နယ် တပ်တောင် အမှတ်(၁)ရပ်ကွက်ရှိ ကျောက်ပုဇွန်အမှတ်တံဆိပ်ဖြင့် ထုတ်လုပ်သော ငပိ/ငံပြာရည် ထုတ်လုပ်သည့် လုပ်ငန်းခွင်သို့ သွားရောက်ပြီး စားသုံးသူများဘေးအန္တရာယ်ကင်းရှင်းစွာ စားသုံးနိုင်ရန်အတွက် ကုန်ပစ္စည်းများ ထုတ်လုပ်ရာတွင် စားသုံးရန်မသင့်သော တာရှည်ခံဆေးများ၊ ဓါတုဆိုးဆေးများအား အသုံးမပြုကြ ရန်၊ ထုတ်လုပ်သည့်ကုန်ပစ္စည်းများ၏ထုပ်ပိုးမှုပေါ်တွင် ကုန်အညွှန်းအမှတ်အသားများကို ပြည့်စုံစွာ ဖော်ပြရန်၊ စီးပွားရေးလုပ်ငန်းရှင်များ၏ တာဝန်များအား သိရှိလိုက်နာကျင့်သုံးရန်၊ လုပ်ငန်းခွင် သန့်ရှင်းမှုရှိစေရေးအလေးထား ဆောင်ရွက်ရန် လုပ်ငန်းရှင်နှင့်တွေ့ဆုံဆွေးနွေးအသိပညာပေးခြင်း ဆောင်ရွက်ခဲ့ပါကြောင်း သတင်းရရှိပါသည်။
DOCA(ရခိုင်)