ဂျပန်နိုင်ငံ၏ ဆန်ဈေးနှုန်းသည် ဧပြီလ ၂၇ ရက်နေ့အထိ သီတင်းပတ်အတွင် ၅ ကီလိုဂရမ်လျှင် ၄၂၃၃ ယန်း (အမေရိကန်ဒေါ်လာ ၃၀ ခန့်) စံချိန်တင်မြင့်တက်ခဲ့ပြီး ၁၇ ရက်ဆက်တိုက် အမြင့်ဆုံးအဆင့်သို့ ရောက်ရှိသွားကြောင်း စိုက်ပျိုးရေးဝန်ကြီးဌာနထုတ်ပြန်ချက်အရသိရသည်။ ဧပြီလ ၂၁ ရက်မှ ၂၇ ရက်အတွင်း နိုင်ငံတစ်ဝှမ်းရှိ စူပါမားကတ်ပေါင်း ၁၀၀၀ ခန့်တွင် ရောင်းချသည့် ဆန် ၅ ကီလိုဂရမ်၏ ပျမ်းမျှဈေးနှုန်းသည် ယခင်အပတ်ကထက် ၁၃ ယန်းအထိ မြင့်တက်ခဲ့ပြီး ဒေတာ ကောက်ယူမှု စတင်ခဲ့သည့် ၂၀၂၂ ခုနှစ် မတ်လနောက်ပိုင်း အမြင့်ဆုံးအဆင့်ဖြစ်ကြောင်း စိုက်ပျိုးရေး၊ သစ်တောနှင့် ရေလုပ်ငန်း ဝန်ကြီးဌာနက မေလ ၇ ရက်နေ့တွင် ပြောကြားခဲ့သည်။ ဂျပန်အစိုးရသည် သိုလှောင်ထားသောဆန် ၂၁၂၁၃၂ တန်ကို မတ်လတွင် လေလံပွဲ နှစ်ကြိမ်ပြုလုပ်ပြီးနောက် ထောက်ပံ့မှု တည်ငြိမ်စေရန်အတွက် ကြိုးပမ်းခဲ့သည်။ မတ်လတွင် အစိုးရမှ သိုလှောင်ထားသော ဆန်တန်ချိန်ထောင်ပေါင်းများစွာကို လေလံပွဲများမှတစ်ဆင့် ထုတ်ပြန်ခဲ့သော်လည်း အနည်းငယ် သော အစိတ်အပိုင်းသည် စူပါမားကတ်များသို့ ရောက်ရှိခဲ့ပြီး ဆန်လက်လီဈေး ဆက်လက်မြင့်မား နေခဲ့ကြောင်း ပြည်တွင်းမီဒီယာများ၏ ဖော်ပြချက်အရသိရသည်။
Source : Xinhua
DOCA(ရန်ကုန်)