၁၂.၅.၂၀၂၅ ရက်နေ့၊ နံနက်(၁၀:၃၀)နာရီအချိန်တွင် မှော်ဘီမြို့နယ်ခွဲရုံးမှ ဝန်ထမ်းများသည် မှော်ဘီမြို့မဈေးစည်ပင်သာယာရေးကော်မတီနှင့်ပူးပေါင်း၍ မြို့မဈေးအတွင်းရှိ ရောင်းချ နေသော စားသုံးဆီအမျိုးမျိုးအား ကုန်အညွှန်းအမှတ်အသားများ ပြည့်စုံစွာရှိ/မရှိ စစ်ဆေး ဆောင်ရွက်ခဲ့ပါသည်။
အဆိုပါ စားသုံးဆီအမျိုးမျိုးအား စစ်ဆေးရာတွင် သတ်မှတ်ညွှန်ကြားချက်များနှင့် ကိုက်ညီမှုရှိသော စားသုံးဆီများ ရောင်းချခြင်းရှိ/မရှိ၊ ကုန်အညွှန်းအမှတ်အသား ဖော်ပြခြင်း ဆိုင်ရာအချက်များနှင့် ကိုက်ညီမှုရှိ/မရှိ စစ်ဆေးခဲ့ရာ ဈေးကွက်အတွင်းရောင်းချနေသော အမေထွား (မြေပဲဆီ)၊ မေဇင်(မြေပဲဆီ)၊ Sunar(နေကြာဆီ)၊ ရန်ကုန်(ပဲဆီသန့်)၊ Cook(ပဲပိစပ်ဆီ) အမှတ် တံဆိပ်ဖြင့် စားသုံးဆီများတွင် ကုန်အညွှန်းအမှတ်အသားပြည့်စုံစွာဖော်ပြပါရှိပြီး သက်ဆိုင်ရာဌာနများ၏ ထောက်ခံချက်များပါရှိသည်ကို စစ်ဆေးတွေ့ရှိခဲ့ကြောင်း သိရှိရပါသည်။
DOCA(ရန်ကုန်)