အထွေထွေအုပ်ချုပ်ရေးဉီးစီးဌာန၌ ဆန်စက်၊ ဆန်ဆိုင်နှင့် ဘိလပ်မြေဆိုင်ပိုင်ရှင်များနှင့် တွေ့ဆုံဆွေးနွေးခြင်း

    (၁၀.၅.၂၀၂၅)ရက်နေ့ နံနက်(၉:၀၀)နာရီအချိန်တွင် မှော်ဘီမြို့နယ်၊ အထွေထွေအုပ်ချုပ် ရေးဉီးစီးဌာန၊ အစည်းအဝေးခန်းမ၌ ဆန်စက်၊ ဆန်ဆိုင်နှင့် ဘိလပ်မြေဆိုင်ပိုင်ရှင်များနှင့် တွေ့ဆုံဆွေးနွေးခြင်း ကျင်းပပြုလုပ်ခဲ့ပါသည်။

          အထွေထွေအုပ်ချုပ်ရေးဉီးစီးဌာနမှ မြို့နယ်စီမံအုပ်ချုပ်ရေးဥက္ကဌ ဉီးပြည့်ဖြိုးမောင် က ဉီးဆောင်ကျင်းပခဲ့ပြီး သက်ဆိုင်ရာဆက်စပ်ဌာနအဖွဲ့အစည်းများနှင့် ဆန်စက်၊ ဆန်ဆိုင်နှင့် ဘိလပ်မြေဆိုင်ပိုင်ရှင်များအား ဆွေးနွေးပြောကြားရာတွင် ဆန်ဆိုင်များ၌ဆန်သိုလှောင် ထားရှိမှု၊ ဆန်လက်ကျန်အခြေအနေနှင့် သင့်တင့်မျှတသောဈေးနှုန်းများဖြင့် ရောင်းချနိုင်ရေး အတွက် လက်ရှိဖြစ်ပေါ်နေသည့် ဆန်ဈေးကွက်အခြေအနေ၊ တန်ချိန်(၂၅)တန်နှင့်အထက် သိုလှောင်မှုရှိလျှင် MyRo တွင် မှတ်ပုံတင်ပြုလုပ်ကြရန်၊ မသမာသောနည်းလမ်းဖြင့် ဈေးကစား ရန် အလို့ငှာ သိုလှောင်ခြင်းများ မပြုလုပ်ကြရန်နှင့် မှော်ဘီမြို့နယ်အတွင်း ဘိလပ်မြေ အဝင်နည်းနေ၍ ပုံမှန်ရောင်းချနိုင်ရေးအတွက် ဘိလပ်မြေကိုယ်စားလှယ်ကြီးများနဲ့ အမြန်ဆုံး ချိတ်ဆက်ဝယ်ယူသွားကြရန်၊ ဈေးနှုန်းမှာလည်း ဝယ်ယူဈေးထက် သင့်တင့်သောဈေးနှုန်းနှင့်သာ ပြန်လည်ရောင်းချပေးရန်၊ ပစ္စည်းများကိုလည်း သိုလှောင်ထားခြင်းများ မပြုလုပ်ကြရန် အသိပေးဆွေးနွေးမှာကြားခဲ့ကြောင်း သိရှိရပါသည်။

DOCA(ရန်ကုန်)