(၁၀.၅.၂၀၂၅)ရက်နေ့ နံနက်(၁၀:၀၀)နာရီအချိန်တွင် လှိုင်သာယာ(အရှေ့ပိုင်း)မြို့နယ် အတွင်းရှိ စားအုန်းဆီအရောင်းဆိုင်များသို့ ကွင်းဆင်းစစ်ဆေးခြင်းကို မြို့နယ်စီမံအုပ်ချုပ်ရေး အဖွဲ့ဥက္ကဌ ဉီးအောင်ဘော်ပါ (၃)ဉီး၊ မြို့နယ်စီမံအုပ်ချုပ်ရေးအဖွဲ့၊ အဖွဲ့ဝင်(၁) ဗိုလ်မှူး ကြည်သာဇော်၊ မြို့နယ်စည်ပင်သာယာ၊ လက်ထောက်အုပ်ချုပ်ရေးမှူး ဉီးဇေယျာဟိန်း၊ စားသုံးသူရေးရာဉီးစီးဌာနမှ ဒုဉီးစီးမှူး ဒေါ်လဲ့လဲ့စိုး၊ မြန်မာနိုင်ငံစားအုန်းဆီ လုပ်ငန်းရှင် များအသင်းမှ ဉီးထွန်းဇော်သောင်းပါ(၃)ဉီး တို့ ပူးပေါင်းပါဝင်လျက် စစ်ဆေးခြင်းလုပ်ငန်းများ ဆောင်ရွက်ခဲ့ပါသည်။
အဆိုပါ ပူးပေါင်းအဖွဲ့ဖြင့် ကွင်းဆင်းစစ်ဆေးရာ၌ အမှတ်(၁)ရပ်ကွက်ရှိ စားအုန်းဆီ ဆိုင်(၃)ဆိုင်၊ အမှတ်(၁၅)ရပ်ကွက်ရှိ စားအုန်းဆီဆိုင်(၂)ဆိုင်၊ အမှတ်(၂၆)ရပ်ကွက်ရှိ စားအုန်းဆီဆိုင်(၂)ဆိုင်နှင့် အမှတ်(၆)ရပ်ကွက်ရှိ စားအုန်းဆီဆိုင်(၁)ဆိုင်တို့အား စားအုန်းဆီရောင်းချနေမှု အား စစ်ဆေးခဲ့ရာ အိမ်ထောင်စုတစ်စုလျှင် (၅၀)ကျပ်သားနှုန်းဖြင့် တစ်လလျှင်(၄)ကြိမ် ပေးပါ ကြောင်း၊ သတ်မှတ် ရည်ညွှန်းဈေးအပေါ် ဖြစ်သင့်ဖြစ်ထိုက်သည့် သယ်ယူစရိတ်နှင့် အမြတ်(၂%) သာ ထပ်ဆောင်းရောင်း ချရန် ဈေးကစားရန် ရည်ရွယ်ချက်ဖြင့် သိုလှောင်ခြင်း၊ ဈေးမြှင့်တင် ရောင်းချခြင်းများရှိပါက အရေးယူ ဆောင်ရွက်သွားမည်ဖြစ်ကြောင်း မြို့နယ်စီမံအုပ်ချုပ်ရေး အဖွဲ့ဥက္ကဌ ဉီးအောင်ဘော်မှ အသိပေးပြော ကြားခဲ့ကြောင်း သိရှိရပါသည်။
DOCA(ရန်ကုန်)