ဗီယက်နမ်၏ပန်းတင်ပို့မှုမှတစ်ဆင့်ဝင်ငွေရရှိမှုသည် ဝင်ငွေအမေရိကန်ဒေါ်လာ သန်း ၁၀၀ကိုတရားဝင်ကျော်ဖြတ်ခဲ့ပြီး နိုင်ငံ၏ ကြီးထွားနှုန်းအမြန်ဆုံး စိုက်ပျိုးရေးကဏ္ဍထဲမှ တစ်ခု အဖြစ်မှတ်ကျောက်တင်နိုင်ခဲ့ကြောင်း စိုက်ပျိုးမွေးမြူရေးနှင့် သဘာဝပတ်ဝန်းကျင်ဝန်ကြီး Hoang Trung က ပြောကြားခဲ့ပါသည်။ ၂၀၂၅ ခုနှစ် VNUA ပန်းနှင့် အပင်အလှဆင်ပွဲတော်တွင် Trung က သစ်ခွပန်း၊ နှင်းဆီပန်းနှင့် ဂန္ဒမာပန်းတို့သည် အဓိကတင်ပို့သည့်အမျိုးအစားများဖြစ် ကြောင်း သိရပါသည်။ ထိုပန်းများသည် စိုက်ပျိုးရေးသမားများအတွက် ဝင်ငွေရရှိမှုကိုမြှင့်တင် ပေးပြီး ကမ္ဘာ့ပန်းဈေးကွက်တွင် နိုင်ငံ၏ဂုဏ်သတင်းကို တိုးမြှင့်ပေးနိုင်ခဲ့ကြောင်း သိရပါသည်။ Trung ၏အဆိုအရ ဗီယက်နမ်သည် ကာလကြာရှည် ပန်းများနှင့်အလှဆင်အပင်များစိုက်ပျိုးမှု ရိုးရာရှိပြီး လတ်တလောနှစ်များအတွင်း Da Lat၊ Nam Dinh၊ Ho Chi Minh City နှင့် Dong Thap တို့တွင် အဓိကထုတ်လုပ်သည့် ဧရိယာများတည်ထောင်ခြင်းနှင့်အတူ ကဏ္ဍကို သိသာစွာ တိုးချဲ့ခဲ့ကြောင်း သိရပါသည်။ စုစုပေါင်းလတ်တလောစိုက်ပျိုးသည့်ဧရိယာသည် ၄၅၀၀၀ ဟတ်တာရှိပြီး ၂၀၀၀ ခုနှစ်နှင့်နှိုင်းယှဉ်ပါက ၈ ဆမြင့်တက်ခဲ့ကြောင်း သိရပါသည်။ လုပ်ငန်း၏ ထွက်ရှိမှုတန်ဖိုးသည်လည်း နှစ်စဉ် ၆ မှ ၈ ရာခိုင်နှုန်းကြားနှစ်စဉ် မြင့်တက်လျှက်ရှိကြောင်း သိရ ပါသည်။Trung က ၎င်း၏ဝန်ကြီးဌာနသည်လည်း ပန်းနှင့် အလှဆင်အပင်များအား တည်ငြိမ်ပြီး တရားဝင်အသိအမှတ်ပြု စီးပွားရေးကဏ္ဍအဖြစ်မြှင့်တင်ရန်အတွက် ဗျူဟာမြောက်ဖြေရှင်းချက် များဖြင့်ဆောင်ရွက်လျှက်ရှိကြောင်း ပြောကြားခဲ့ပါသည်။
DOCA (ရန်ကုန်)