မြင်းခြံခရိုင် စားသုံးသူရေးရာဦးစီးဌာနမှ ခရိုင်ဦးစီးမှူး ဦးဆောင်မှုဖြင့် စစ်ဆေးရေးအရာရှိ များသည် ထုတ်ကုန်လုံခြုံစိတ်ချရမှုရှိစေရန်နှင့် ဈေးကွက်စောင့်ကြည့် စစ်ဆေးရေးလုပ်ငန်းများ ဆောင်ရွက်နိုင်ရန်အတွက်(၉-၄-၂၀၂၅) ရက်နေ့နံနက် (၀၉:၃၀) အချိန်တွင်ကိတ်မုန့်၊ ပေါင်မုန့်လုပ် ငန်းများသို့ ကွင်းဆင်းဆောင်ရွက်ခဲ့သည်။
ထိုသို့ကွင်းဆင်းဆောင်ရွက်ရာတွင် အမှတ်(၁၀)ရပ်ကွက်ရှိ စတားကိတ်မုန့် ပေါင်မုန့်လုပ် ငန်းပိုင်ရှင်နှင့်တွေ့ဆုံပြီး မုန့်ထုတ်လုပ်မှုအခြေအနေများ၊ စားသုံးဆီသုံးစွဲမှု အခြေအနေများနှင့် ဈေးကွက် တင်ပို့မှုများအခြေအနေများ တွေ့ဆုံမေးမြန်းရာတွင် နေ့စဉ်မုန့်လုပ်ငန်း၌အသုံးပြုရာတွင် ကုန်ကြမ်းအဖြစ် ဂျုံတစ်အိတ်လျှင်ပိဿာအချိန်(၃၀)ပါ နှစ်အိတ်အသုံးရပြုထုတ်လုပ်ရကြောင်း၊ ကြက်ဥအလုံး(၄၅၀)၊ သကြားအချိန်(၂၀)ပိဿာ၊ ထောပတ်(3kg)၊ နို့စိမ်းဗူး(၂၀)နှင့် စားသုံးဆီပိဿာ (၂၀)အပါအဝင်စသည့်တို့ အသုံးပြုရကြောင်း၊ ထုတ်လုပ်မှုအနေဖြင့် မုန့်အမျိုးအစား ပေါင်း(၂၀)မျိုးထုတ်လုပ်ကြောင်း၊ ဈေးကွက်အားဖြင့် ဒေသတွင်းဖြန့်ဖြူးရောင်းချပြီး၊ ပခုက္ကူမြို့၊ ရေစကြိုမြို့နှင့် ကျောက်ပန်းတောင်းမြို့များသို့ လည်းတင်ပို့ရကြောင်း သိရှိရသည်။ လုပ်ငန်းရှင်အား ဈေးကွက်သို့ရောင်းချရာတွင် ထုတ်ကုန်များလုံခြုံစိတ်ချရမှုရှိစေရန်နှင့် စားသုံးသူ ကာကွယ်ရေး ဥပဒေအခန်း(၁၈)၊ ပုဒ်မ(၄၁)တွင်ပါဝင်သော ကုန်အညွှန်းအမှတ်အသားများ ပြည့်စုံစွာဖော်ပြရန်နှင့် စီးပွားရေးလုပ်ငန်းရှင်များလိုက်နာရန်တာဝန်များကို ဆွေးနွေးပြောကြားပြီး ကွင်းဆင်းစစ်ဆေး ဆောင်ရွက်မှုများပြုလုပ်ခဲ့သည်။
DOCA(မန္တလေး)