စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ စားသုံးသူရေးရာဦးစီးဌာနသည် စားသုံးသူကာကွယ်ရေးလုပ်ငန်းများအပြင် ပြည်တွင်းကုန်သွယ်မှုလုပ်ငန်းများကိုလည်း ဆောင်ရွက်လျက်ရှိရာ ပြည်တွင်းဆန်ဈေးနှုန်းများ တည်ငြိမ်စေရေးအတွက် မြန်မာနိုင်ငံဆန်စပါး အသင်းချုပ်နှင့်ပူးပေါင်း၍ ပြည်တွင်း၌ဆန်စပါးဖူလုံရေး၊ ပြည်ပသို့စနစ်တကျတင်ပို့ရောင်းချနိုင်ရေး၊ ဆန်စပါးဈေးကွက်နှင့် ဈေးနှုန်းတည်ငြိမ်မှန်ကန်စေရေး၊ သမားရိုးကျရောင်းဝယ်ခြင်းမဟုတ်သော ဈေးကစားလိုသည့် ရည်ရွယ်ချက်ဖြင့် သိုလှောင်ခြင်း၊ ဈေးနှုန်းမြှင့်တင်ရောင်းချခြင်းများ မဖြစ်စေရေးတို့အတွက် သင့်တင့်မျှတသော ဆန်ဈေးကွက်ဈေးနှုန်းများ ထုတ်ပြန်၍ ဆောင်ရွက် လျှက်ရှိသည်။
သို့ဖြစ်ပါ၍ စားသုံးသူရေးရာဦးစီးဌာန၊ မြင်းခြံခရိုင်ရုံးမှဝန်ထမ်းများသည် မြင်းခြံမြို့ စည်ပင်သာယာဈေးအတွင်းရှိ ဆန်လက်လီလက်ကားအရောင်းဆိုင်များသို့ (၈-၄-၂၀၂၅) ရက်၊ နေ့လည် (၁၄:၀၀)နာရီအချိန်တွင် ဆန်ဈေးနှုန်းများကြီးမြှင့်မှုမရှိစေရေးအတွက် ကွင်းဆင်းဆောင် ရွက်ခဲ့သည်။ ဆန်အရောင်းဆိုင်များတွင် ရောင်းချနေသော ဆန်ဈေးနှုန်းများမှာ (၂၄)ပြီတစ်အိတ် လျှင် ရွှေဘိုပေါ်ဆန်းအသစ် (၁၃၅၀၀၀)ကျပ်၊ အဟောင်း(၁၄၅၀၀၀)ကျပ်၊ ဧရာပေါ်ဆန်း(၁၂၀၀၀၀) ကျပ်၊ ဧရာမင်း(၁၃၃၀၀၀)ကျပ်၊ မဂျမ်းတော(၁၃၅၀၀၀)၊ ဖန်သီး (၉၅၀၀၀)ကျပ်၊ မနောသုခ(၉၂၀၀၀) ကျပ်၊ ရက်(၉၀)ဆန် (၉၀၀၀၀)ကျပ်နှင့် သုခဆန်(၈၅၀၀၀) ကျပ်များဖြင့်သင့်တင့်မျှတသော နှုန်းထား များဖြင့်ရောင်းချနေကြောင်း စစ်ဆေးတွေ့ရှိရပါသည်။ဈေးကွက်ဝင်ရောက်မှုအနေဖြင့် ရွှေဘိုမြို့၊ ပုသိမ်၊ မြောင်းမြမြို့နှင့် ပခုက္ကူမြို့နယ်ကုန်းဇောင်းရွာတို့မှ ဝင်ရောက်၍ဒေသတွင်း ဖြန့်ဖြူး ရောင်းချကြောင်း၊ဆန်ဆိုင်ရောင်းပိုင်ရှင်များမှ စားသုံးသူပြည်သူများသို့ သင့်တင့်မျှတသော နှုန်းထားများ အတိုင်းဆက်လက်ရောင်းချစေရေး၊ ဈေးကစားရန်ရည်ရွယ်ချက်ဖြင့် သိုလှောင်ရောင်း ချခြင်း များမပြုလုပ်ရန်၊ ဆန်လက်လီလက်ကားအရောင်းဆိုင်များသို့ လစဉ်သတ်မှတ်ထုတ်ပြန်ထား သည့် သင့်တင့်မျှတသောဈေးနှုန်းဈေးကွက် (ReasonabIe Market Price) များအတိုင်းရောင်းချ စေရန် ကွင်းဆင်းဆောင်ရွက်ခဲ့သည်။
DOCA(မန္တလေး)