တိုက်ကြီးမြို့နယ်၊ အထွေထွေအုပ်ချုပ်ရေးဦးစီးဌာန၏ ဦးဆောင်မှုဖြင့် ၁၃.၅.၂၀၂၅ ရက်နေ့ နံနက်(၁၀:၄၅)နာရီအချိန်တွင် ကြက်ဥအရောင်းဆိုင်များသို့ ကွင်းဆင်းစစ်ဆေးခြင်းများ ဆောင်ရွက်ခဲ့ပါသည်။
ထိုသို့ ကွင်းဆင်းဆောင်ရွက်ခဲ့ရာတွင် စားသုံးသူရေးရာဦးစီးဌာနမှ ဒေါ်တင်တင်ဌေး၊ ရုံးအုပ်နှင့် မိတ်ဖက်ဌာနများ ပူးပေါင်း၍ ကြက်ဥအရောင်းဆိုင်များတွင် ကြက်ဥအသေး၊ အလတ်၊ အကြီးဆိုဒ်အလိုက် ရောင်းချပေးနေပြီး ဈေးနှုန်းကြီးမြင့်မှု မရှိစေရေး၊ ဈေးနှုန်းမြှင့်တင် ရောင်းချခြင်းမရှိစေရေးအတွက် ကွင်းဆင်းစစ်ဆေးခဲ့ရာ တိုက်ကြီးမြို့မဈေးအတွင်း နေ့စဉ်လူတစ်ဦးလျှင် (၁၀)လုံးနှုန်း ကျပ် (၃၃၀၀)မှ ကျပ် (၃၇၀၀)ရောင်းချပေးနေကြောင်း သိရှိရပါသည်။
DOCA (ရန်ကုန်)