ကမ္ဘောဒီးယားနိုင်ငံသည် ၂၀၂၅ ခုနှစ် ပထမလေးလပတ်တွင် အမေရိကန်ဒေါ်လာ ၉.၁၃ ဘီလီယံတန်ဖိုးရှိ ကုန်ပစ္စည်းများ တင်ပို့ခဲ့ပြီး တစ်နှစ်ထက်တစ်နှစ် ၁၄ ရာခိုင်နှုန်း တိုးမြင့်လာခဲ့ကြောင်း မေလ ၁၀ ရက်နေ့က ထုတ်ပြန်သည့် တရားဝင်အစီရင်ခံစာတွင် ဖော်ပြထားသည်။ အထည် ချုပ်၊ ဖိနပ်၊ ခရီးသွား ကုန်ပစ္စည်းများ၊ စက်ဘီးများ၊ ကားတာယာ၊ ဆိုလာပြားများနှင့် ဆန်၊ ရော်ဘာ၊ ပီလောပီနံ၊ ငှက်ပျောသီး၊ သရက်သီးနှင့် ပဲများ စသည့် အလားအလာရှိသော စိုက်ပျိုးရေးထွက်ကုန် များ ဖြစ်သည်ဟု အကောက်ခွန်နှင့် ယစ်မျိုး ဦးစီးဌာန၏ ထုတ်ပြန်ချက်အရ သိရသည်။ အရှေ့တောင် အာရှနိုင်ငံအတွက် ထိပ်တန်းပို့ကုန်ငါးနိုင်ငံသည် အမေရိကန်၊ ဗီယက်နမ်၊ ဂျပန်၊ တရုတ်နှင့် ကနေဒါ နိုင်ငံတို့ဖြစ်ကြောင်း အစီရင်ခံစာတွင်ဖော်ပြထားသည်။ တစ်ချိန်တည်းတွင်ပင် နိုင်ငံတော်သည် ယခုနှစ် ဇန်နဝါရီမှ ဧပြီလအတွင်း စုစုပေါင်းသွင်းကုန် ဒေါ်လာ ၁၀.၃၆ ဘီလီယံ စံချိန်တင်ခဲ့ပြီး တစ်နှစ်ထက်တစ်နှစ် ၁၉.၇ ရာခိုင်နှုန်း တိုးလာသည်ဟု အစီရင်ခံစာက ဆိုသည်။ အဓိက တင်သွင်း သည့် ကုန်ပစ္စည်းများမှာ ရေနံ၊ အထည်ချုပ်၊ ဖိနပ်နှင့် ခရီးသွားကုန်စည်အတွက်ကုန်ကြမ်း၊ မော်တော် ယာဉ်၊ စက်ယန္တရား၊ အီလက်ထရွန်နစ် ပစ္စည်းများနှင့် လူသုံးကုန်ပစ္စည်းများ စသည်တို့ ပါဝင်သည်။ စီးပွားရေးနှင့် ကူးသန်းရောင်းဝယ်ရေး ဝန်ကြီးဌာန၏ နိုင်ငံခြားရေး ၀န်ကြီးနှင့် ပြောရေးဆိုခွင့်ရှိသူ Penn Sovicheat က ဒေသတွင်း ဘက်စုံစီးပွားရေး ပူးပေါင်းဆောင်ရွက်မှု (RCEP) သဘောတူညီချက် နှင့် ကမ္ဘောဒီးယား-တရုတ် လွတ်လပ်သော ကုန်သွယ်မှု သဘောတူညီချက် (CCFTA) တို့သည် နိုင်ငံ ၏ ကုန်သွယ်မှု တိုးတက်မှုကို အရှိန်အဟုန်ဖြင့် မြှင့်တင်ပေးခဲ့ကြောင်း ပြောကြားခဲ့သည်။
DOCA(ရန်ကုန်)