ကယားပြည်နယ်၊ လွိုင်ကော်မြို့တွင် အများပြည်သူ/လူထုများ ပြန်လည်ဝင်ရောက်နေထိုင် ကြပြီး တည်ဆောက်ရေးလုပ်ငန်းများ ပြန်လည်စတင်ဆောင်ရွက်လာခဲ့ကြပါသည်။
သို့ဖြစ်ပါ၍ ၂၀၂၅ ခုနှစ်၊ မေလ(၁၃)ရက်နေ့၊ နံနက်(၈:၃၀)အချိန်တွင် ကယားပြည်နယ် ကုန်ဈေးနှုန်း တည်ငြိမ်ရေး လုပ်ငန်းအဖွဲ့ဖြင့် လွိုင်ကော်မြို့ပေါ်ရှိ အိမ်ဆောက်ပစ္စည်းအရောင်းဆိုင် များသို့ ဆောက်လုပ်ရေးလုပ်ငန်းသုံးပစ္စည်းများ၏ဈေးနှုန်းများ မြှင့်တင်ရောင်းချမှု ရှိ/မရှိနှင့် ဖြစ်သင့် ဖြစ်ထိုက်သည့် ဈေးနှုန်းများဖြစ်ပေါ်စေရေးအတွက် ကွင်းဆင်းစစ်ဆေးဆောင်ရွက်ခဲ့ပါသည်။
လွိုင်ကော်မြို့တွင် ဖြစ်ပေါ်နေသော ဆောက်လုပ်ရေးလုပ်ငန်းသုံးပစ္စည်းများ၏ ဈေးနှုန်းများ မှာ အပါချီဘိလပ်မြေတစ်အိတ်လျှင်(၂၆၀၀၀)ကျပ်၊ ရှမ်းရိုးမဘိလပ်မြေတစ်အိတ်လျှင် (၂၆၀၀၀) ကျပ်၊ သံမှို( ၂ လက်မ မှ ၄ လက်မ )အထိ တစ်ပိဿာလျှင်(၉၀၀၀)ကျပ်၊ သွပ်ရိုက်သံမှို တစ်ပိဿာ လျှင်(၁၂၀၀၀)ကျပ်၊ ကြယ်နီတံဆိပ် သွပ် ၁ပေလျှင် (၁၈၀၀ မှ ၂၀၀၀)ကျပ်အကြား၊ ကာလာသွပ်များ ၁ပေလျှင် (၃၄၀၀)ကျပ်၊ ၃ မှူးသံချောင် တစ်တန်လျှင် (၂၉၅၀၀၀၀)ကျပ်နှင့် ၅ မှူးသံချောင် တစ်တန်လျှင် (၂၇၅၀၀၀၀)ကျပ်ခန့်တို့ဖြင့် အရောင်းအဝယ်ဖြစ်နေကြောင်း လွိုင်ကော်မြို့ပေါ်ရှိ ဆောက်လုပ်ရေးလုပ်ငန်းသုံးပစ္စည်းအရောင်းဆိုင်များထံမှ သိရှိရပါသည်။
Doca (ကယား)