ဧရာဝတီတိုင်းဒေသကြီး၊ စားသုံးသူရေးရာဌာန၊ မြောင်းမြခရိုင်ဦးစီးမှုးဦးဇော်လင်းအောင်နှင့် ဝန်ထမ်း များသည် အထူးစုံစမ်းစစ်ဆေးရေးအဖွဲ့နှင့် ပူးပေါင်း၍ (၈.၄.၂၀၂၅) ရက်နေ့ နံနက်(၁၀:၀၀)နာရီအချိန်တွင် မြောင်းမြမြို့နယ် အတွင်းရှိ အိမ်ဆောက်ပစ္စည်းအရောင်းဆိုင်များတွင် ရောင်းချလျက်ရှိသော ဘိလပ်မြေ ပြတ်လပ်မှုနှင့် ဈေးနှုန်းအခြေအနေများအား ကွင်းဆင်းစစ်ဆေးခြင်း ဆောင်ရွက်ခဲ့ပါသည်။
ထိုသို့ ကွင်းဆင်းဆောင်ရွက်ရာတွင် မြောင်းမြခရိုင်ဦးစီးမှုးဦးဇော်လင်းအောင်မှ မြောင်းမြမြို့နယ် အတွင်းရှိ အိမ်ဆောက်ပစ္စည်းအရောင်းဆိုင်များတွင် ရောင်းချလျက်ရှိသော ဘိလပ်မြေအမျိုးအစားများ အလိုက် လက်လီ/လက်ကားဈေးနှုန်းများ၊ ယခင်/ ယခုလကွာခြားချက်ဈေးနှုန်းများ အတက်အကျဖြစ်သည့် အကြောင်းအရင်းများ၊ မြေပြင်လက်ကျန် အခြေအနေများ၊ ပစ္စည်း ပြတ်လပ်မှု ရှိ/မရှိ၊ ဈေးကွက် အခြေအနေများအား မြေပြင်တွင်ကွင်းဆင်း စစ်ဆေးခဲ့ပြီး ဆိုင်ပိုင်ရှင်များ အားလက်ကျန်ပစ္စည်းများကို ဈေးကစားရန်ရည်ရွယ်ချက်ဖြင့် သိုလှောင်ထားရှိခြင်း မပြုလုပ်ကြရန်ဈေးနှုန်း မြှင့်တင်ရောင်းချခြင်းများ မပြုလုပ်ကြရန် ဆိုင်ပိုင်ရှင်များအား အသိပညာပေးစစ်ဆေးခဲ့ပါသည်။
DOCA(ဧရာဝတီ)