မြန်အောင်ခရိုင်၊ အင်္ဂပူမြို့နယ်၊ စားသုံးသူရေးရာဦးစီးဌာနမှ စစ်ဆေးရေးအရာရှိနှင့် ဝန်ထမ်း များသည် သက်ဆိုင်ရာဌာနဆိုင်ရာများနှင့်ပူးပေါင်း၍ ၂၀၂၅ ခုနှစ် ဧပြီလ ၉ရက်နေ့ နံနက် ၀၉:၃၀ နာရီအချိန်တွင် ထူးကြီးမြို့ အမှတ် ၁ ရပ်ကွက်၌ ရောင်းချလျက်ရှိသော ကုန်စည်များတွင် ကုန်အညွှန်း အမှတ်အသားနှင့်ပတ်သက်၍ ပြည့်စုံကိုက်ညီမှုရှိစေရန် ကုန်စုံရောင်းချသူလုပ်ငန်းရှင် များအား ကုန်အညွှန်းအမှတ်အသားနှင့်ပတ်သက်၍ အသိပညာပေး ဟောပြောမှုများဆောင်ရွက်ခဲ့ ကြောင်းသတင်းရရှိပါသည်။
ဟောပြောပွဲတွင် စားသုံးသူရေးရာဦးစီးဌာန စစ်ဆေးရေးအရာရှိ ဦးဘိုဘိုက စားသုံးသူ ကာကွယ်ရေးဥပဒေကို အခန်း(၂၅)ခန်း၊ ပုဒ်မ (၈၄)ခုဖြင့် ဖွဲ့စည်းထားကြောင်း၊ စားသုံးသူကာကွယ် ရေး ဥပဒေအခန်း(၁၈)တွင် ဖော်ပြထားသည့် ကုန်အညွှန်းအမှတ်အသားဖော်ပြခြင်းနှင့်စပ်လျဉ်း၍ ကုန်စည်အမျိုးမစားအလိုက် သတ်မှတ်ချက်များနှင့်အညီ ပြည့်စုံမှန်ကန်သိသာထင်ရှားစွာ ဖော်ပြရ မည်ဖြစ်ကြောင်းကို အသေးစိတ်ရှင်းလင်းဆွေးနွေးခဲ့ပြီး ကုန်စုံရောင်းချသူလုပ်ငန်းရှင်များအနေဖြင့် အကျိုးစီးပွားတစ်ခုကိုသာ ကြည့်ရှုရောင်းချသူများ မဖြစ်စေရန်နှင့် စီးပွားရေးဆိုင်ရာကျင့်ဝတ်များကို စောင့်ထိန်ပြီး စားသုံးသူများအား ထိခိုက်နစ်နာမှုများမရှိစေရေး အလေးထားဆောင်ရွက်ရန်လို သည်ကို ဆွေးနွေးဟောပြောခဲ့ကြောင်း သိရှိရပါသည်။
DOCA(ဧရာဝတီ)