တနင်္သာရီတိုင်းဒေသကြီး၊ မြိတ်ခရိုင်စားသုံးသူရေးရာဦးစီးဌာနသည် ပူးပေါင်းဌာနများ ဖြစ် သော မြို့နယ်စည်ပင်သာယာရေးအဖွဲ့၊ ဗဟိုစာရင်းအင်းအဖွဲ့နှင့် အထူးစုံစမ်းစစ်ဆေးရေးဦးစီးဌာန တို့ဖြင့် (၂၀.၅.၂၀၂၅)ရက်နေ့၊ နံနက်(၈း၃၀)အချိန်တွင် မြိတ်မြို့၊ ရှမ်းချောင်းရပ်ရှိ အိမ်ဆောက်ပစ္စည်း အရောင်းဆိုင်များတွင် ရောင်းချနေသော ဘိလပ်မြေစျေးနှုန်းအခြေအနေများနှင့် ပစ္စည်းပြတ်လပ်မှု ရှိ/မရှိ ကွင်းဆင်းစစ်ဆေးခြင်းများ ဆောင်ရွက်ခဲ့ကြောင်းသိရှိရပါသည်။
ထိုသို့ကွင်းဆင်းစစ်ဆေးရာတွင် ဘိလပ်မြေအရောင်းဆိုင်များ၌ ပစ္စည်းပြတ်လပ်မှုမရှိကြောင်း နှင့် ဒေသအတွင်းဖြစ်သင့်ဖြစ်ထိုက်သည့်စျေးနှုန်းများဖြင့် ရောင်းချနေသည်ကို စစ်ဆေးတွေ့ရှိရပြီး စျေးနှုန်းမြှင့်တင်ရောင်းချခြင်းမပြုရန်နှင့် စျေးကစားလိုသောရည်ရွယ်ချက်ဖြင့် သိုလှောင်ရောင်းချ ခြင်းမပြုရန် ရှင်းလင်းပြောကြားခြင်းများဆောင်ရွက်ခဲ့ကြောင်း သတင်းရရှိပါသည်။
DOCA(တနင်္သာရီ)