တနင်္သာရီတိုင်းဒေသကြီး၊ မြိတ်ခရိုင်သည် ဆန်လိုအပ်လျက်ရှိသည့်အတွက် ဆန်လိုအပ်မှုအတွက် ဧရာဝတီတိုင်းဒေသကြီးမှ အဓိကဝယ်ယူလျက်ရှိပြီး ဧရာဝတီတိုင်းဒေသကြီး၊ လပွတ္တာခရိုင်၊ မော်လမြိုင်ကျွန်းမြို့နယ်မှ MV-အာသာဝတီ ရေယာဉ်ဖြင့် ၂၀၂၅ခုနှစ်၊ မေလ(၁၆)ရက်နေ့တွင် သယ်ယူလာခဲ့သော ဆန်အိတ်များသည် ၂၀၂၅ခုနှစ်၊ မေလ (၂၀) ရက်နေ့တွင် မြိတ်မြို့ သို့ရောက်ရှိလာကြောင်း သိရှိရပါသည်။
ထိုသို့ရောက်ရှိလာခဲ့သော ဆန်အိတ်များကို မြိတ်ခရိုင်စားသုံးသူရေးရာဦးစီးဌာန၊ မြိတ်ခရိုင် အကောက်ခွန်ဦးစီးဌာန၊ မြိတ်ခရိုင်လူဝင်မှုကြီးကြပ်ရေးနှင့်ပြည်သူ့အင်အားဦးစီးဌာန၊ မြိတ်ကုန်သွယ် ရေးဦးစီးဌာန၊ မြိတ်ခရိုင်ရဲတပ်ဖွဲ့တို့ပါဝင်သောအဖွဲ့များဖြင့် MV-အာသာဝတီ ရေယာဉ်ဖြင့် သယ်ဆောင်လာသော ဆန်တန် (၃၅၀)၊ အိတ်ရေ(၇၀၀၀)အား ကွင်းဆင်းစစ်ဆေးခဲ့ပြီး ကုန်စည်စီးဆင်းမှု မှန်ကန်မြန်ဆန်စေရေး ဆောင်ရွက်ခဲ့ကြောင်း သိရှိရပါသည်။
DOCA(တနင်္သာရီ)