၁၅.၅.၂၀၂၅ ရက်နေ့တွင် မွန်ပြည်နယ်၊ စားသုံးသူရေးရာဦးစီးဌာန၊ မော်လမြိုင်ခရိုင်၊ မော်လမြိုင်မြို့နယ်တာဝန်ခံ ဦးစိုးညီညီသည် မြို့နယ်အထွေထွေအုပ်ချုပ်ရေးဦးစီးဌာန၊ မြို့နယ်ကျန်းမာရေးဦးစီးဌာနတို့နှင့် ပူးပေါင်း၍ ကျိုက်မရောမြို့နယ်၊ မြို့မဈေး၊ အောင်မင်္ဂလာဈေးရှိ ကလေးအသုံးအဆောင်ပစ္စည်းအရောင်းဆိုင်၌ ဈေးကွက်စောင့်ကြည့် စစ်ဆေးခဲ့ကြောင်း သိရသည်။
ထိုသို့ ဈေးကွက်စောင့်ကြည့်စစ်ဆေးခြင်းဆောင်ရွက်ရာတွင် ကလေးအသုံးအဆောင်ပစ္စည်းများ ရောင်းချလျက်ရှိသော စတိုးဆိုင်များ၌ ရောင်းချလျက်ရှိသော ကလေး အသုံးအဆောင်ပစ္ဏည်းများမှာ စားသုံးသူကာကွယ်ရေး ဥပဒေတွင် ပြဌာန်းထားသည့် ကုန်အညွှန်းအမှတ်အသားဖော်ပြခြင်းဆိုင်ရာ အချက်များနှင့် ကိုက်ညီမှု ရှိ/မရှိ၊ ဘေးအန္တရာယ်ဖြစ်နိုင်ချေ ရှိ/မရှိ စစ်ဆေးခဲ့ပြီး ကလေးကစားစရာ ကုန်ပစ္စည်းတစ်မျိူးချင်းအလိုက် ဘေးအန္တရာယ်ဖြစ်နိုင်ခြေရှိသော ကုန်ပစ္စည်းများ၊ ကုန်အညွှန်းအမှတ်အသား မပြည့်စုံသော ကုန်ပစ္စည်းများ၊ ကြိုတင်သတိ ပေးထားခြင်းမရှိသော ကုန်စည်များအား ရောင်းချခြင်းမပြုရန် အသိပညာပေး ပြောကြားခဲ့ကြောင်း သိရသည်။
DOCA (မွန်)