၁၅.၅.၂၀၂၅ ရက်နေ့တွင် မွန်ပြည်နယ်၊ စားသုံးသူရေးရာဦးစီးဌာန၊ သထုံခရိုင်၊ သထုံမြို့နယ်တာဝန်ခံ ဦးထိန်လင်းထွန်းသည် အစားအသောက်နှင့်ဆေးဝါးကွပ်ကဲရေးဦးစီး ဌာန၊ မြို့နယ်ကျန်းမာရေးဦးစီးဌာန၊ မြို့နယ်အထွေထွေအုပ်ချုပ်ရေးဦးစီးဌာနတို့နှင့် ပူးပေါင်း၍ သထုံမြို့နယ်အတွင်းရှိ ရောင်းချလျက်ရှိသော ဆေးဆိုင်များအား ကွင်းဆင်းစစ်ဆေးခဲ့ ကြောင်း သိရသည်။
ထိုသို့ ကွင်းဆင်းစစ်ဆေးခဲ့ရာ ဈေးကွက်အတွင်းရောင်းချနေသော ဆေးဝါးများ သက်တမ်းကုန်ဆုံးပါက ရောင်းချခြင်းမပြုရန်၊ ဆေးဝါးအတုများ ရောင်းချခြင်းမပြုရန်၊ ဆေးဝါးရောင်းချခွင့်လိုင်စင်များအား မြင်သာသည့်နေရာတွင် ချိတ်ဆွဲထားရန်နှင့် ဆေးဝါးများအားဈေးနှုန်းမြှင့်တင်ရောင်းချခြင်းများ မပြုလုပ်ရန်အသိပေး ပြောကြားခဲ့ကြောင်း သိရှိရ ပါသည်။
DOCA (မွန်)