စစ်ကိုင်းတိုင်းဒေသကြီး၊ စားသုံးသူရေးရာဦးစီးဌာန၊ တိုင်းဒေသကြီးဦးစီးမှူးရုံး၌ ဝန်ထမ်း စွမ်းဆောင်ရည်မြှင့်တင်ရေး အထောက်အကူပြုဆွေးနွေးပွဲ (Thursday Talk)ကို ၂၄.၄.၂၀၂၅ ရက်နေ့ နေ့လယ် (၁၄:၀၀) နာရီတွင် ကျင်းပပြုလုပ်ခဲ့ရာ ဝန်ထမ်း (၄၂) ဦး တက်ရောက်ခဲ့ကြောင်း သိရှိရပါသည်။
အဆိုပါဆွေးနွေးပွဲတွင် ဒု-တိုင်းဒေသကြီးဦးစီးမှူးက အဖွင့်အမှာစကားပြောကြားခဲ့ပြီး တိုင်းဒေသကြီးဦးစီးမှူးရုံးရှိ ငွေစာရင်းတာဝန်ခံ ဦးစီးအရာရှိ ဒေါ်ဝေဝေက မြန်မာနိုင်ငံ ခရီးစရိတ်နည်းဥပဒေအကြောင်း သိကောင်းစရာများကို ရှင်းလင်းပြောကြား၍ မိမိတို့ လက်တွေ့ဆောင်ရွက်နေသော ငွေစာရင်းပိုင်းဆိုင်ရာများအကြောင်း၊ အရာထမ်း၊ အမှုထမ်းများ ခရီးသွားလာခွင့်နှင့် ပတ်သက်သည့်အကြောင်းအရာများ၊ လုပ်ငန်းခွင်တွင် ဝန်ထမ်းများအနေဖြင့် မိမိဌာနခွဲများကို ကျွမ်းကျင်ရန်နှင့် ဌာနခွဲမဟုတ်သော်လည်း သိရှိထားရန်လိုအပ်ကြောင်း တက်ရောက်ကြသည့်ဝန်ထမ်းများကလည်း သိရှိလိုသည့်အကြောင်းအရာများကို မေးမြန်းခဲ့ရာ ပြန်လည် ရှင်းလင်း ဆွေးနွေးမျှဝေပေးခဲ့ကြောင်း သိရှိရပါသည်။
DOCA(စစ်ကိုင်း)