စားသုံးသူရေးရာဦးစီးဌာန၊ မြောက်ပိုင်းခရိုင်ဦးစီးမှူးရုံး၊ တိုက်ကြီးမြို့နယ်ခွဲတာဝန်ခံ ဒေါ်တင်တင်ဌေးသည် တိုက်ကြီးမြို့နယ်၊ မြို့မဈေးတာဝန်ခံနှင့်အတူ (၁၀.၄.၂၀၂၅)ရက်နေ့ နံနက် (၁၀:၃၀)နာရီအချိန်တွင် မြို့မဈေးအတွင်းရှိ စည်သွပ်အစားအစာအမျိုးမျိုး ရောင်းချသောဆိုင်များသို့ ကုန်အညွှန်းအမှတ်အသားဖော်ပြခြင်းနှင့်ပတ်သက်၍ စားသုံးသူ ကာကွယ်ရေးဥပဒေပါ ပြဌာန်းချက်များနှင့်ကိုက်ညီခြင်းရှိ/မရှိဈေးကွက် စောင့်ကြည့် စစ်ဆေး ခဲ့ပါသည်။
ဈေးကွက်စောင့်ကြည့်စစ်ဆေးခဲ့ရာ Ready အမှတ်တံဆိပ်တွင် ဆာဒင်းငါးသေတ္တာ၊ ပဲကြက်သားဟင်း၊ မျှစ်ကြက်ကချင်ချက်၊ ငါးသလောက်ပေါင်း၊ တူနာငါးနေကြာဆီနှင့် OBO တံဆိပ်ဖြင့် မုန့်ဟင်းခါးဟင်းရည်အနှစ်တို့တွင် ကုန်စည်အမျိုးအစားအလိုက် သတ်မှတ်ချက်များ နှင့်အညီ မြန်မာဘာသာဖြင့် ပြည့်စုံစွာဖော်ပြရမည့် ကုန်စည်အမျိုးအမည်၊ အရွယ်အစား၊ အရေအတွက်နှင့် အသားတင်ပမာဏ၊ ထားသိုသိမ်းဆည်းမှုအညွှန်းနှင့် ဓါတ်မတည့်ကြောင်း ဖော်ပြချက်တို့ကို ကုန်အညွှန်းအမှတ်အသားဖော်ပြထားခြင်းရှိ/မရှိ ဈေးကွက်စောင့်ကြည့် စစ်ဆေးခဲ့ရာ ကုန်အညွှန်းအမှတ် အသားပြည့်စုံမှန်ကန်စွာ ဖော်ပြထားရှိကြောင်း စစ်ဆေး တွေ့ရှိရပြီး ကုန်အညွှန်းအမှတ်အသား ပြည့်စုံသောကုန်စည်များကိုသာ ဝယ်ယူဖြန့်ဖြူးရောင်းချ ရန် အသိပညာပေးဆွေးနွေးခဲ့ပါသည်။
DOCA(ရန်ကုန်)