ကမ္ဘောဒီးယားမှ အမေရိကန်သို့ တင်ပို့မှုမှာ ၂၀၂၅ ခုနှစ် ပထမသုံးလပတ်တွင် ကန်ဒေါ်လာ ၂.၄ ဘီလီယံအထိ မြင့်တက်ခဲ့ပြီး ယမန်နှစ် အလားတူကာလနှင့် နှိုင်းယှဉ်ပါက ၂၂ ရာခိုင်နှုန်း တိုးလာကြောင်း ကမ္ဘောဒီးယား အကောက်ခွန်နှင့် ကုန်စည်စီးဆင်းမှု အထွေထွေ ဦးစီးဌာန၏ အစီရင်ခံစာအရ သိရသည်။ အစီရင်ခံစာတွင် အမေရိကန်သည် ကမ္ဘောဒီးယား၏ ထိပ်တန်းပို့ကုန်ဈေးကွက်အဖြစ် ဆက်လက်ရပ်တည်နေပြီး ဗီယက်နမ် (ဒေါ်လာ ၁.၂ ဘီလီယံ)၊ ဂျပန် (ဒေါ်လာ ၄၃၀ သန်း)၊ တရုတ် (ဒေါ်လာ ၃၄၈ သန်း)၊ ကနေဒါ (ဒေါ်လာ ၂၈၂ သန်း) နှင့် ထိုင်း(ဒေါ်လာ ၂၅၅ သန်း) တို့ ဖြစ်ကြသည်။ ထို့အပြင် ဇန်နဝါရီမှ မတ်လအတွင်း ကမ္ဘောဒီးယား နှင့် အမေရိကန်တို့ကြား စုစုပေါင်းကုန်သွယ်မှုသည် အမေရိကန်ဒေါ်လာ ၂.၅ ဘီလီယံအထိ ရောက်ရှိခဲ့ပြီး တစ်နှစ်ထက်တစ်နှစ် ၂၂.၄ ရာခိုင်နှုန်း မြင့်တက်လာခဲ့သည်။ ထိုကိန်းဂဏန်းများ အနက် ကမ္ဘောဒီးယားနိုင်ငံ၏ ပို့ကုန်သည် ဒေါ်လာ ၂.၄၂ ဘီလီယံရှိပြီး ၂၀၂၃ ခုနှစ်ထက် ၂၂.၂ ရာခိုင်နှုန်း တိုးလာခဲ့သည်။ အမေရိကန်မှ သွင်းကုန်တန်ဖိုးမှာ ကန်ဒေါ်လာ ၇၅.၁ သန်းရှိပြီး ၃၁.၃ ရာခိုင်နှုန်း မြင့်တက်လာခဲ့သည်။ ကမ္ဘောဒီးယားနိုင်ငံ၏ ပို့ကုန်စီးပွားရေး၏ အခြေခံအုတ်မြစ် အဖြစ် ဆက်လက်လုပ်ဆောင်နေသည့် အထည်အလိပ်၊ အထည်ချုပ်နှင့် ဖိနပ်များတွင် အားကောင်းသည့် စွမ်းဆောင်ရည်များကြောင့် ပို့ကုန်များ တိုးလာခြင်းဖြစ်ကြောင်း အစီခံစာတွင် ဖော်ပြထားသည်။
Source: Khmer Times
DOCA(ရန်ကုန်)