ဖိလစ်ပိုင်နိုင်ငံတွင် လောင်စာဆီများ တစ်လီတာလျှင် ၁.၃၅ ပီဆို မြင့်တက်လျက်ရှိလာ

ဖိလစ်ပိုင်နိုင်ငံတွင် holy week အတွင်း လောင်စာဆီ တစ်လီတာ လျှင် ၄ပီဆိုနှုန်းဖြင့် ဝယ်ယူခွင့်ရခဲ့ပြီး နောက်တွင် ဧပြီ ၂၂ရက်နေ့မှစ၍ ယဥ်မောင်းသမားများသည် တစ်လီတာလျှင် ၁.၃၅ပီဆို မြင့်တက်မှုနှင့် ကြုံတွေ့လာရကြောင်း သိရပါသည်။ ရေနံဆီ ကုမ္ပဏီများသည် ဓာတ်ဆီ တစ်လီတာလျှင် ၁.၃၅ပီဆို၊ ဒီဇယ် တစ်လီတာလျှင် ၁.၃၀ ပီဆိုနှင့် ရေနံဆီ တစ်လီတာလျှင် ၁.၁၀ ပီဆို သတ်မှတ်ထားကြောင်း သိရပါသည်။ Shell Pilipinas, Seaoil, PetroGazz, Jetti Petroleum, Caltex နှင့် CleanFuel စသည့် ရေနံကုမ္ပဏီများသည် ဧပြီလ ၂၁ ရက်နေ့၌ ထုတ်ပြန်သော ကြေညာစာတွင် လောင်စာဆီ ပြောင်းလဲမှုများကို ကြေညာခဲ့ပါသည်။ စွမ်းအင် ဌာန (DOE) ၏ အဆိုအရ လောင်စာဆီ စျေးနှုန်း မြင့်တက် ခြင်းသည် အမေရိကန်၏ အီရန်အပေါ်ပိတ်ဆို့မှုများကြောင့် အီရန်မှ ရရှိသော ကမ္ဘာလုံး ဆိုင်ရာထောက်ပံ့မှု ပြတ်တောက်သွားမှု မှ အစပြုခဲ့ကြောင်း သိရပါသည်။ ထို့အပြင် မေလတွင် မျှော်မှန်းထားသော ရေနံထုတ်လုပ်မှုတိုးမြှင့်မှုများကို တုန့်ပြန်ရန်အဖြစ် ရေနံတင်ပို့သည့်နိုင်ငံများ နှင့် ၎င်း၏ မဟာမိတ်နိုင်ငံများအဖွဲ့ (OPEC+) က စီစဥ်ထားသော ထုတ်လုပ်မှု လျှော့ချရန် စီမံကိန်းများ နှင့် ပတ်သက်၍ ထောက်ပြခဲ့ကြောင်း သိရပါသည်။ ရေနံကုမ္ပဏီများက Holy week အတွင်းတွင် လောင်စာဆီစျေးနှုန်းလျော့ချမှုများ ဆောင်ရွက်ခဲ့ ကြပြီး ၎င်းလုပ်ဆောင်ချက်သည် အမေရိကန်၏ မျှတမှုမရှိသော အခွန်တိုးမြင့် မှုများကြောင့် ဖြစ်ပေါ်လာသည့် စျေးကွက်ဖိအားများနှင့် ‌ဆောဒီအာရေးဘီးယား မှ အာရှသို့ တင်ပို့သော လောင်စာ စျေးနှုန်း ကျဆင်းမှုများကြောင့် ဖြစ်ကြောင်း သိရပါသည်။ ပြီးခဲ့သောအပတ်တွင် ဓာတ်ဆီ တစ်လီတာ လျှင် ၃.၆၀ ပီဆို၊ ဒီဇယ်တစ်လီတာလျှင် ၂.၉၀ ပီဆိုနှင့် ရေနံဆီ တစ်လီတာလျှင် ၃.၃၀ ပီဆို ကျဆင်းခဲ့ပြီး ၎င်းကျဆင်းမှုသည် ၂၀၂၅ ခုနှစ်၏ အကြီးမားဆုံး လောင်စာဆီစျေးနှုန်းကျဆင်းမှုကြီး ဖြစ်ကြောင်း သိရပါသည်။ သို့ရာတွင် ယခုအပတ်တွင် ဓာတ်ဆီ တစ်လီတာလျှင် ၂.၃၀ ပီဆို၊ ဒီဇယ်ဆီတစ်လီတာလျှင် ၂.၈၅ ပီဆိုမြင့်တက်ခဲ့သော်လည်း ရေနံဆီ သည် တစ်လီတာလျှင် ၁.၈၀ ပီဆို ကျဆင်းလျက် ရှိကြောင်း သိရပါသည်။

Philstar

DOCA(ရန်ကုန်)